Liña Verde Liña Verde

Liña Verde é unha aplicación para dispositivos Android e iOS que pretende facilitar a participación cidadá, así como favorecer a máxima eficiencia e integración entre o Concello de Rianxo e a súa veciñanza e visitantes.

Coa axuda desta ferramenta poderá enviar dende o seu dispositivo móbil, en calquera momento, e dende calquera lugar, información sobre unha carencia, deficiencia ou estrago no mobiliario urbano, de forma que nun breve prazo de tempo o Concello de Rianxo sexa sabedor dos avisos da cidadanía.

Ao aviso pódeselle engadir a localización (automática mediante GPS ou manual) e unha fotografía. A persoa que a faga recibirá información sobre os cambios de estado da súa incidencia ata a súa corrección.

Ademais, as persoas usuarias da App recibirán notificacións puntuais con información de interese do Concello de Rianxo, como os bandos informativos, avisos e campañas de circulación, alertas de emerxencias e boletíns de eventos.

A ferramenta está dispoñible para a súa descarga en Google Play e na App Store, e tamén é accesible vía web:

 

Material promocional Material promocional

Guía rápida Guía rápida

No Google Play ou na App Store, busca a app Liña Verde.


Instálaa e ábrea.


Selecciona o municipio: Rianxo


Axusta o idioma, que por defecto será o do teu móbil.


Unha vez configurada, podes iniciar unha incidencia en calquera momento.


Selecciona o tipo de incidencia.


Localiza xeográficamente o elemento. podes facelo de forma automática ou manual.


Podes incluír unha fotografía para facilitar a descrición.


Indica brevemente en que consiste o desperfecto ou fai as observacións que consideres antes de enviala.

A partir deste momento, recibirás unha notificación cada vez que a túa incidencia cambie de estado: pendente, recibida, rexeitada, asignada, adiada, en proceso, solucionada...


Podes facer un seguimento do estado actual de todas as incidencias que iniciaches.


Pode ocorrer que o concello che dea ou pida máis información sobre a incidencia.


Podes facer un seguimento durante todo o ciclo de vida da incidencia.


Ademais, Liña Verde ofréceche servizos de información relacionados co medio ambiente: podes consultar calquera dúbida medioambiental cun equipo de expertos e recibir campañas ambientais.


Asemade, dispós dun mapa xeo-localizado con puntos de interese de servizos municipais e elementos turísticos.