O grupo Biribirlocke actuará no CEIP Ana María Diéguez de Asados - O Correlingua, en Rianxo - Concello de Rianxo

O Correlingua é unha proposta escolar de dinamización lingüística de carácter lúdico-educativo que nos convida a defender e a reivindicar o uso da nosa lingua en todos os ámbitos da vida. 

Este ano o Correlingua estase a celebrar nos centros de ensino, ante a imposibilidade de organizar a actividade central: a carreira pola lingua. Así, chega a Rianxo en formato concerto do grupo Biribirlocke (segundo clasificado no concurso Cantalingua), que actuará ante o alumnado do CEIP Ana María Diéguez de Asados.

Día: mércores, 2 de decembro

Hora: 10:00

Lugar: actividade interna no CEIP Ana María Diéguez de Asados, mais que se poderá seguir vía streaming nesta ligazón: https://www.youtube.com/watch?v=m50030ry76M&feature=youtu.be

No acto intervirán o responsable do Correlingua na comarca do Barbanza, Serxio Núñez, que lerá o manifesto do Correlingua 2020, e Adolfo Muíños, alcalde de Rianxo, que ofrecerá unhas palabras de benvida.