Primeira actividade infantil do Nadal do Proxecto Apego de Rianxo - O disfrace de Urrupinca Carmirola, conto-obradoiro de Lorena Conde, na Escola de Familias de Nadal - Concello de Rianxo

A primeira mañá do Nadal, no Auditorio de Rianxo, a escritora, actriz e contadora Lorena Conde contaranos un conto á vez que nos fará traballar un pouco coas mans... Anímaste a compartir con nós a historia do Disfrace da Urrupinca Carmirola?

Día: mércores, 23 de decembro

Hora: 12:00

Lugar: Auditorio de Rianxo

Idades recomendadas: de 3 a 7 anos

Á raposa Chiruca encántalle disfrazarse e a súa avoa sempre a axuda a facer os disfraces máis orixinais. Desta vez Chiruca decidiu disfrazarse de urrupinca carmirola. Mais é complicado de facer porque o disfrace leva moitas cousas que a raposiña non ten.
Por iso se bota a andar á procura deses elementos que non poden faltar no disfrace da urrupinca. Para conseguilos, Chiruca ha ter que pedir axuda a moitos animais (algúns máis amigables ca outros, todo hai que dicilo).

Inscricións: Enviando correo a normalizacion@concelloderianxo.gal ​​​​​ou chamando ao teléfono: 881 988 798

É preciso indicar nomes completos dos asistentes, se son conviventes e un número de teléfono de contacto.

Prazas limitadas