- Campaña de protección aos peóns - Concello de Rianxo

A Policía Local de Rianxo, dentro da campaña de protección dos peóns na que participan a administración central, autonómica e local, vai impartir unhas charlas dirixidas a facilitar normas e consellos para camiñar con seguridade.

Estas charlas están encamiñadas, especialmente, á xente maior do rural e, ao seu remate, repartiranse uns chalecos reflectores ás persoas asistentes (ata remate de existencias).

Charlas programadas:

• Auditorio de Rianxo: martes 19 de novembro, ás 20.00 horas
• Centro Cultural de Taragoña: mércores 20 de novembro, ás 20.00 horas
• Escolas vellas de Asados:  xoves 21 de novembro, ás 20.00 horas
• Centro Sociocultural do Araño: venres 22 de novembro, ás 20.00 horas
• Centro Cultural de Leiro:  luns 25 de novembro, ás 20.00 horas
• Casa da República de Isorna: mércores 27 de novembro, ás 20.00 horas