O vindeiro mércores 27 de marzo todos os amantes do teatro celebramos o Día Mundial do Teatro. A Deputación Provincial desexa unirse un ano máis a esta celebración cunha programación especial en varios municipios da provincia. - Día Mundial do Teatro, Cancións amarelas, Flores tristes de Ernesto Is. por Manekineko - Concello de Rianxo

FORMULARIO DE RESERVA DE PRAZA PECHADO

Quedan dispoñibles 20 prazas que poden recollerse na billeteira do auditorio dende as 19.30 horas do 23/03/2024.

----------------------------------------------------------------------------

Cancións amarelas, flores tristes, de Ernesto Is. producida por Manekineko; programación para conmemorar o Día Mundial do Teatro da Deputación da Coruña coa colaboración do Concello de Rianxo

• LUGAR: sala Arcos Moldes do Auditorio de Rianxo
• DÍA: sábado 23 de marzo
• HORA: 20.30 h
• PÚBLICO RECOMENDADO: maiores de 16 anos.
• DURACIÓN: 70 minutos
• ENTRADA: de balde. Limitada a 120 prazas. Require reserva previa preferentemente no formulario ou no teléfono 981 100 688. Enlace ao formulario pinchando aquí.

Catro persoas de idades, xéneros, crenzas e realidades socioeconómicas diferentes, coinciden nun karaoke. Ao longo da madrugada, as cancións e o alcohol mestúranse cos medos e cos problemas que as levan a refuxiarse neste lugar, onde constrúen os seus propios paraísos artificiais. Nesta noite hai música, pero tamén silencio; miradas cómplices e mal intencionadas; luces de cores que iluminan o escenario e sombras trala porta do baño; copas escachadas contra o chan e brindes até o amencer; corpos suorentos, tristes e cansos que procuran outros corpos igual de suorentos, tristes e cansos; tarxetas de crédito co saldo esgotado; maquillaxe e perfumes baratos; bágoas que mollan as flores de plástico coas que se decoran as mesas; frustracións, temores... Pero, sobre todo, anhelos.

Ficha técnica e artística:

INTERPRETACIÓN: Nacho Castaño, María Costas, María de las Llanderas e Fran Nogueira

DIRECCIÓN: Nerea Brey

TEXTO: Ernesto Is

ESPAZO E ILUMINACIÓN: Beatriz de Vega

VESTIARIO: Javier Lojo

​​​​​​​ESPAZO SONORO: Nerea Brey e Ernesto Is

• Máis información programa Día Mundial do Teatro'24 Deputación da Coruña
• Cancións amarelas, flores tristes