O acto desenvolverase o venres 19 de abril, ás 20.30 horas, no salón de actos do Auditorio de Rianxo - Libros, presentación Aqueles Corpos Nosos de Adrián Ramos - Concello de Rianxo

Libros, presentación Aqueles Corpos Nosos de Adrián Ramos. No acto ademais do autor estará presente Sara Vila Alonso (escritora e xefa de comunicación da Editorial Xerais) e Julio Alcalde Hermo (Concelleiro da Área de Educación e Cultura do Concello de Rianxo)

• LUGAR: salón de actos do Auditorio de Rianxo
• DÍA: venres 19 de abril
• HORA: 20.30 h

Todos os actos teñen consecuencias. Fernán e Xandre Malvís buscan recuperar a normalidade nas súas vidas e sandar as cicatrices inflixidas polo enfrontamento cos irmáns Garrido. A cidade, pola contra, non esquecerá con tanta facilidade o conflito entre as dúas familias, e as fauces de Compostela escolleron unha nova vítima. Os Malvís terán que facer uso de todo o seu coñecemento do mundo sobrenatural para resolver a desaparición de Sandra Valverde antes de que o seu corpo se engada á lista de necrolóxicas. Polo camiño farán fronte a unha pregunta que o cambiará todo: ata onde están dispostos a chegar para protexer o que queren? Logo do éxito de «Cando sangren os lobos» (I Premio Xuventude Crea de Novela Curta), Adrián Gómez Ramos regresa á escrita con «Aqueles corpos nosos».