Concello de Rianxo

Serán de Rianxo organizado pola Asociación Vai de Roda

2026-04-22T10:50:13Z

Serán de Rianxo organizado pola Asociación Vai de Roda coa colaboración do Concello de Rianxo.

DÍA: sábado 09 de maio
LUGAR: Campo de Arriba de Rianxo

Recital poético con micro aberto no marco da Xeira en Rianxo

2026-04-22T10:43:32Z

Recital poético con micro aberto no marco da Xeira en Rianxo da Asociación Cultural Mesa das Verbas.

DÍA: venres 08 de maio
HORA: 18.00 h
LUGAR: salón de Actos do Auditorio de Rianxo

Festa da salchicha no Araño

2026-04-22T10:25:00Z

Festa da salchicha no Araño.

DÍA: venres 01 de maio
HORA: dende as 13.00 h
LUGAR: no Souto en Buía no Araño

Selección de 3 prazas de funcionario/a de carreira de Administrativos C1 (OPE 2025)

2026-04-22T07:21:33Z

PROCEDEMENTO DE SELECCIÓN PARA A COBERTURA EN PROPIEDADE POR OPOSICIÓN LIBRE DE 3 PRAZAS DE ADMINISTRATIVO/A, FUNCIONARIO DE CARREIRA (SUBGRUPO C1) DA ESCALA DE ADMINISTRACIÓN XERAL, SUBESCALA ADMINISTRATIVA (OPE 2025)

Anuncio de de aprobación das bases e convocatoria

Nota aclaratoria sobre o prazo de presentación de instancias (17/02/2026)

Publicación no BOE da corrección de prazos (19/02/2026)

Formulario de solicitude (25/02/2026)

Rectificación de erro material nas bases (BOP (26/02/2026)

Listaxes provisionais de persoas admitidas e excluídas e nomeamento do tribunal (22/04/2026)

Listaxes provisionais de persoas admitidas e excluídas e nomeamento do tribunal

Ciclo Primavera, Orfeón Terra a Nosa. Concerto do 60 aniversario

2026-04-16T12:09:51Z

Ciclo Primavera, Orfeón Terra a Nosa. Concerto do 60 aniversario

DÍA: sábado 25 de abril
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Ciclo Primavera, concerto Cuarteto MarAslens

2026-04-16T12:03:51Z

Ciclo Primavera, concerto Cuarteto MarAslens. Esperanza Mara (voz e chelo), Juanma Varela (piano), Fernando Docampo (violín e instrumentos de sopro) e Luís Sanmartín (percusión e batería).

DÍA: venres 24 de abril
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Curso de monitor/a de tempo libre

2026-04-15T11:43:01Z

Rematado o prazo de inscrición, non se acadou o número mínimo de persoas inscritas necesario para a realización do curso.

En breve publicarase unha nova convocatoria para levalo a cabo durante o mes de xullo.

Ás persoas inscritas contactaráselles mediante correo electrónico para comunicarlles as novas datas e confirmar se desexan manter a súa inscrición.

__________________________________________________________________________________________________________________

Curso de monitor/a de tempo libre (normativa establecida no Decreto 50/2000, do 20 de xaneiro, polo que se refunde e actualiza a normativa vixente en materia de xuventude, e polo Decreto 58/2012, do 12 de xaneiro, polo que se modifica o Decreto 50/2000 e se adapta á Directiva 2006/123/CE, para a obtención do Título Oficial de Monitor de Tempo Libre en Galicia.)

Duración

Fase teórica-práctica: 200 horas
Fase práctica: 150 horas

Datas formación

Abril: 18, 19, 25, 26
Maio: 9, 10, 16, 17, 23, 24, 30, 31
Xuño: 13, 14, 20, 21, 27, 28, 29, 30.

Requisitos obrigatorios

Ter 18 ou máis anos o día que da comezo o curso
Estar en posesión dos estudios mínimos obrigatorios (ESO ou similar).

Prezo

240 euros.

Prazo de inscrición

ata o 13 de abril.

Bases e ficha de inscrición

Acción de Verán 2026: Campamentos e minicampamentos

2026-04-15T08:14:34Z

A Xunta de Galicia convoca o programa Acción de Verán 2026, que inclúe campamentos de verán tanto en Galicia como noutras comunidades autónomas, así como os minicampamentos “Coñece Galicia”, unha atractiva proposta de lecer educativo para a época estival.

Os campamentos desenvólvense en quendas de entre 8 e 12 días durante os meses de xullo, agosto e setembro, mentres que os minicampamentos ofrecen estancias de 5 días en distintos puntos da xeografía galega.

O programa combina actividades variadas (náuticas, deportivas, ambientais, artísticas, científicas, agrícolas ou relacionadas co Camiño de Santiago) e busca desenvolver habilidades nas persoas novas, fomentar o coñecemento do patrimonio galego e promover o respecto polo medio ambiente.

As persoas mozas residentes en Galicia poderán solicitar a súa participación nas actividades da campaña sempre que cumpran os requisitos de idade establecidos para cada programa e conten con DNI ou NIE en vigor no momento de presentar a solicitude.

No caso da Campaña de Verán 2026, poderán participar menores nados entre 2008 e 2017: os máis novos deberán ter cumpridos os 9 anos ao inicio da actividade, mentres que os maiores non poderán acadar os 18 anos antes de que remate o campamento.

A inscrición poderá facerse a partir do 16 de abril a través da sede electrónica da Xunta de Galicia -procedemento BS303A.

Colaboración no financiamento dos Servizos Sociais

2026-04-14T11:55:03Z

A Deputación da Coruña publicou no BOP núm. 48 do 12 de marzo de 2026, a resolución pola que aproba a concesión definitiva de subvencións correspondente ao programa FOPPSS: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2026.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp: 2025000045807
MÓDULO	MÓDULO SUBVENCIONADO	ACHEGA MÁX.
I	Persoal administrativo grupo C1 ou C2	18.000,00 €****
II	Persoal técnico A2	22.000,00 €
IV	Persoal auxiliar SAF libre concorrencia - Horas concedidas 4.000,00	56.000,00 €
TOTAL		96.000,00 €

DÍA DO LIBRO, proxección e coloquio do documental A Rebelión da Lectura de Espazo Lectura

2026-04-14T08:47:42Z

DÍA DO LIBRO, A Rebelión da Lectura de Espazo Lectura proxección do documental e coloquio coas directoras Asun G. Losada e Alma Alonso.

Proposta promovida pola Deputación da Coruña e a colaboración do Concello de Rianxo.

DÍA: xoves 23 de abril
HORA: 19.00 h
LUGAR: sala Arcos Moldes do Auditorio
DURACIÓN: 98 minutos (documental)
ENTRADA: de balde ata completar capacidade.

O fomento da lectura ten unha dimensión humana capaz de transcender a racionalidade, por iso prende, coma un feitizo, nos ollos das persoas. Probablemente ese sexa un dos motivos polos que, vinte anos despois da súa creación a mans dun pequeno grupo de persoas, Espazo Lectura se converteu nun insólito referente do activismo cidadá a favor do libro e a lectura. O documental ‌A rebelión da lectura foi capaz de penetrar nos ollos dos protagonistas para descubrirnos como se produciu ese abraiante milagre.
As imaxes e as voces envolventes do voluntariado da lectura fannos partícipes dese exercicio de xenerosidade compartida que se proxectou a través da ilusión e do entusiasmo.‌

Concerto especial de Uxía Senlle: Cancións Begoñísimas, tecedeira de soños

2026-04-14T08:47:21Z

Concerto especial de Uxía Senlle: Cancións Begoñísimas, tecedeira de soños.

Unha proposta nova e íntima de Uxía Senlle, que acompañada na arpa de Bleuen LeFriec, interpretará as cancións dedicadas á súa grande amiga, Begoña Caamaño, homenaxeada este ano no Día das Letras Galegas.

DÍA: venres 17 de abril
HORA: 21.00 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo do concerto na billeteira do auditorio (máximo 2 por persoa)

Proposta ao abeiro do Programa de dinamización lingüística Faladeres da Xunta de Galicia coa colaboración do Concello de Rianxo.

HOMENAXE A JOSÉ MARÍA VICENTE SOMOZA

2026-04-22T07:54:11Z

HOMENAXE A JOSÉ MARÍA VICENTE SOMOZA, Polo 50 Aniversario do achado do Casco de Leiro.

DÍA: venres 17 de abril
HORA: 19.00 h
LUGAR: Pazo de Martelo (Rianxo)

Organizado pola Asociación Etnolóxica ADMR Castelao co colaboración do Concello de Rianxo

Veladas de primavera 2026

2026-04-14T08:34:35Z

Veladas de primavera 2026 nas Escolas Vellas da Atalaia de Asados, organizadas polo Grupo de Teatro Airiños coa colaboración do Concello de Rianxo, da Deputación da Coruña e da Asociación A Leoira.

DOMINGO 19 DE ABRIL - 18.30 h. Mesa de creadoras

Coloquio con Xoana Almar (Cestola), Baia Fernández, Sabela Galbán Rodríguez Rianxeira e Patricia de Lorenzo (Grupo Chévere)

SÁBADO 2 DE MAIO - 20.30 h. Tribial cabareteiro

O concurso máis divertido da man de Teatro Airiños. Inscribe o teu equipo enviando un correo a contacto@teatroairinhos.gal

VENRES 5 DE XUÑO - 20.00 h. Mostra de teatro da Escola de teatro Airiños

Cos grupos Teatrinkis e Pataka Makabra

DOMINGO 7 DE XUÑO - 19.00 h. Concerto

Merendola desconcertante. Cuarteto deBiselas. Espectáculo promovido pola Deputación da Coruña no marco do programa da Festa da Música.

Namórate da Aldea, na Área Recreativa As Miráns (Araño)

2026-04-14T08:21:45Z

Namórate da Aldea: con andaina guiada polo té con Emilio Saborido, experiencia gastronómica con Alberto Carou, degustacións de viño e vermú de Cazapitas e Lodeiros, concurso de licores caseiros, teatro infantil Calaveras Circus e concerto acústico con Minguante.

DÍA: sábado 18 de abril
HORA: dende ás 16.00 h
LUGAR: Área Recreativa As Miráns-Campo da Ponte

Festival infantil de música e baile tradicional TR3S PRA'3

2026-04-06T10:09:18Z

TR3S PRA 3, o Festival infantil de música e baile tradicional, terá lugar no próximo sábado, 11 de abril, ás 17.00 h, na sala Arcos Moldes do Auditorio de Rianxo. O evento é organizado pola asociación Vai de Roda, en colaboración co Concello de Rianxo.

Nesta edición, contarase coa participación dos amigos de A. C. Xacarandaina e Lembranzas do Tambre de Oroso, que compartirán escenario cos artistas locais. O obxectivo do festival é promover a música e a danza tradicional entre os nenos e as familias, estimulando o coñecemento e a valorización da cultura popular galega.

Máis información:

Facebook da asociación Vai de Roda
Instagram da asociación Vai de Roda

Becas para estudos de niveis postobrigatorios 2026/2027

2026-04-06T08:39:00Z

O Ministerio de Educación, Formación Profesional e Deportes convoca as bolsas destinadas ao estudantado que vaia cursar estudos postobrigatorios no vindeiro curso académico 2026-2027, con validez en todo o territorio nacional.

Poderán solicitar estas axudas quen curse estudos de bacharelato, formación profesional, ensinanzas artísticas e deportivas, idiomas, estudos relixiosos e militares, así como estudos universitarios, tanto de grao como de máster.

O prazo de solicitude estará aberto do 7 de abril ao 18 de maio, e deberá realizarse a través da sede electrónica do Ministerio de Educación.

Web Ministerio de Educación e Formación Profesional

Deberás solicitar a túa bolsa neste prazo, aínda que non saibas o que vas estudar, e aínda que non saibas con certeza se vas estudar ou non. Pon os estudos que consideres máis probables, e cara setembro poderás cambialos.

Bando informativo sobre a limpeza de faixas de protección forestal

2026-04-06T08:20:52Z

Exposición: Alberto Rodríguez, Lápis e acrílico

2026-04-06T06:53:48Z

O artista rianxeiro Alberto Rodríguez expón as súas obras en Lápis e Acrílico do 10 de abril ao 9 de maio no Centro Sociocultural – Auditorio de Rianxo (Sala de Exposicións).

O acto de inauguración terá lugar o venres 10 de abril ás 19:30 h. A exposición poderá visitarse os luns de 10:00 a 14:00 h, e de martes a sábado de 11:00 a 13:00 h e de 17:00 a 20:00 h.

Alberto Rodríguez

Alberto Rodríguez Castaño, nace en Asados o 7 de Xaneiro de 1970, no lugar da Atalaia. Desde o principio mostrou interese polo debuxo, igual que casi todos os nenos cando son pequenos, aínda que, seguramente, houbo un momento no que o interese converteuse en algo máis. Durante a infancia e adolescencia seguiu
sempre en contacto con esta arte, facendo, a medias, un curso a distancia de debuxo e pintura, ganando algún que outro concurso a nivel local..., ata que os estudos o levan á Coruña. Alí, considerando que o obxectivo inicial víase xa como un fracaso, decide adicar os meses que lle quedan de vida coruñesa a tomar clases dalgún artista da cidade. Contacta cunha pintora da zona do Obelisco e recibe, durante un curto período de tempo, as que son, ate o momento, as súas únicas clases presenciais de arte, formación que tivo moita influencia na súa
pintura inmediatamente posterior. Nos seguintes anos compaxina o traballo no matadoiro familiar coa pintura. Participa nalgunhas exposicións colectivas con artistas locais organizadas polo Concello ou por outros grupos -como “Deskarte”, dirixido polo pintor de Isorna Tantino-. Na Bienal José Luís Fernández, en Boiro, a fins dos 90, obtén a mención honorífica, sendo esta unha das súas últimas presenzas tanto en concursos como en exposicións.

(Texto do catálogo da exposición)

Ciclo Primavera, Elsa Muñiz (piano)

2026-03-27T11:49:00Z

Ciclo Primavera, Elsa Muñiz (piano). Pianotelling e New Beginnings.

DÍA: venres 27 de marzo
HORA: 20.30 h
LUGAR: sala Arcos Moldes do Auditorio
DURACIÓN: 60 minutos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Semana Santa Rianxo 2026

2026-03-27T11:47:52Z

Semana Santa Rianxo 2026

Camiños de coñecemento e experiencia, IV Ciclo programa universitario de maiores

2026-03-27T11:47:08Z

Programa Camiños de coñecemento e experiencia, IV Ciclo programa universitario de maiores.

Formación universitaria para as persoas maiores de 50 anos.

LUGAR:

Salón de actos do Centro Sociocultural-Auditorio de Rianxo

INSCRICIÓN (GRATUÍTA) e máis información:

Cubrindo o seguinte formulario (preferente). Pincha aquí.
No correo-e cultura@concelloderianxo.gal ou no teléfono 981 100 688
Presencialmente no Auditorio de de 9:00-14:00

PROGRAMA

08/04/2026 16:30-18:00h
O uso do móbil, sácalle partido I
D. Álvaro Dosil Rosende profesor da Facultade de Ciencias da Educación e do Programa Universitario de Maiores, IV CICLO da USC

09/04/2026 16:30-18:00h
Entendendo a radiación: física nuclear para a saúde I
D. Julio Nóvoa Fernández profesor da área de física de partículas da USC e colaborador do Programa Universitario de Maiores, IV Ciclo

10/04/2026 16:30-18:00h
O uso do móbil, sácalle partido II
D. Álvaro Dosil Rosende profesor da Facultade de Ciencias da Educación e do Programa Universitario de Maiores, IV CICLO da USC

14/04/2026 16:30-18:00h
Entendendo a radiación: física nuclear para a saúde II
D. Julio Nóvoa Fernández profesor da área de física de partículas da USC e colaborador do Programa Universitario de Maiores, IV Ciclo

15/04/2026 16:30-18:00h
A paisaxe da montaña galega. Os noso máis altos cumios, e outros máis pequenos I
Don Luis Martín Agrelo Janza, Profesor da Facultade de da Facultade de Xeografía e Historia da USC e colaborador do Programa Universitario de Maiores, IV Ciclo

16/04/2026 16:30-18:00h
A paisaxe da montaña galega. Os noso máis altos cumios, e outros máis pequenos II
Don Luis Martín Agrelo Janza, Profesor da Facultade de da Facultade de Xeografía e Historia da USC e colaborador do Programa Universitario de Maiores, IV Ciclo

Primavera Cultural 2026

2026-03-27T09:06:31Z

Propostas culturais enmarcadas no programa Primavera Cultural organizado polo Concello de Rianxo e diferentes entidades

TEATRO, As fillas bravas de Momán a cargo de Chévere

2026-03-27T11:48:39Z

TEATRO, As fillas bravas de Momán a cargo de Chévere

DÍA: sábado 28 de marzo
HORA: 20:30
LUGAR: sala Arcos Moldes do Auditorio
PÚBLICO RECOMENDADO: todos os públicos
DURACIÓN: 60 minutos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Organizado polo Concello de Rianxo ao abeiro da programación da Rede Cultural da Deputación da Coruña.

As Fillas Bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira. As Fillas Bravas viven en Momán, unha aldea que representa todas as aldeas e na que todo é posible. Elas veñen a reafirmar modelos apoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados, valorizando a participación das mulleres na construción dunha memoria e dunha identidade colectiva.

As Fillas Bravas é un recital teatralizado que actualiza a vixencia dos valores que as mulleres achegaron á cultura tradicional, creando e transmitindo un tremendo repertorio de creatividade colectiva arredor da música, o baile e o canto . É tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego, para o que se fixo un traballo de procura, escolma e adaptación de textos de transmisión oral.

Con este proxecto, estreado en xuño do 2014, quixémonos achegar a algunhas zonas nas que intuímos que a muller gozou de autonomía, extraendo textos do cancioneiro que poidan alumear xestos de rebeldía e autoafirmación. Cuestionar esoutro estereotipo que caracteriza a sociedade galega rural como conservadora, atrasada, inmobilizada, sumisa, que reduce ás mulleres ao ámbito privado da familia. Porque no rural galego as mulleres non se limitaban a desempeñar un rol reprodutivo, senón que participaban de todas as tarefas do traballo comunitario. De aí que a súa presenza na esfera pública da aldea fose un feito asumido e normal. Nos textos do cancioneiro popular galego atópanse testemuñas destes roles produtivos asumidos polas mulleres, da existencia habitual de relacións sexuais fóra do matrimonio, da denuncia de abusos, acoso e violacións, de prácticas anticonceptivas e abortivas, de autoafirmación da muller fronte o home, publicados desde a segunda metade do século XIX.

CICLO PRIMAVERA, concertos de música clásica

2026-03-27T11:48:15Z

CICLO PRIMAVERA, concertos de música clásica.

Os venres 27 de marzo, 10 e 24 de abril e 8 de maio e os sábados 24 de abril e 23 de maio.

Ás 20:30, na sala Arcos Moldes do Centro Sociocultural-Auditorio de Rianxo.

Venres 27 marzo

Elsa Muñiz (piano). Pianotelling e New Beginnings

Venres 10 abril

Dúo Viraxe. Félix Rodríguez (bombardino) e Magdalena Argibay (piano)

Venres 24 abril

Cuarteto MarAslens. Esperanza Mara (voz e chelo), Juanma Varela (piano), Fernando Docampo (violín e instrumentos de sopro) e Luís Sanmartín (percusión e batería)

Sábado 25 abril

Orfeón Terra a Nosa. Concerto do 60 aniversario

Venres 8 maio

Dúo Aira. Aitana Alcalde (fagot) e Aldara Muíños (clarinete)

Sábado 23 maio

Lucus Ensemble. Percorrendo Castelao

Caderno do programa CICLO PRIMAVERA (PDF 46,8 MB)

Concilia Semana Santa

2026-03-26T11:02:43Z

Listaxes definitivas

Publicase a listaxe de participantes do Concilia Semana Santa 2026.

Listade definitiva 26/03/26

O servizo realizarase unicamente no CEIP Castelao. Aínda quedan prazas dispoñibles, polo que o prazo de inscrición continuará aberto ata completar as prazas.

-----------------------------------------------------------------------------------------------------------

Publicación da listaxe de solicitudes por instalación

Publícase a listaxe de solicitudes por instalación.

Listaxe provisional 23/03/26

Admitidas todas as solicitudes presentadas.

O servizo realizarase unicamente no CEIP Castelao, ao non terse rexistrado solicitudes suficientes nos demais centros educativos. Contactarase telefonicamente coas familias que solicitaron noutra instalación para ofrecerlles praza no CEIP Castelao.

Aínda quedan prazas dispoñibles, polo que o prazo de inscrición continuará aberto ata completar as prazas do CEIP Castelao.

__________________________________________________________________________________

Programa municipal de conciliación con actividades socioeducativas, deportivas e de tempo libre dirixido ás familias do Concello de Rianxo.

Datas de realización

16, 17 e 18 febreiro

Horario

dende as 08.00 a a 14.00 h

Persoas destinatarias 

nenos e nenas nados entre 2014 e 2022 (incluídos).

Localizacións e prazas:

CEP Brea Segade (Taragoña): 15 prazas
CEIP Ana Mª Diéguez (Asados): 15 prazas
CEIP Castelao (Rianxo): 30 prazas

Documentación necesaria

Solicitude de inscrición (Descarga do modelo).
Volante de empadroamento (ou autorización para a súa comprobación).
Xustificación da necesidade de conciliación.

Calendario de inscrición

Presentación de solicitudes: do mércores 11 ao mércores 18 marzo
Publicación listaxes provisionais e instalación solicitada: luns 23 marzo
Sorteo, de ser o caso: martes 24 de marzo, ás 11.00 h.
Listaxes definitivas: mércores 25 de marzo

Presentación de solicitudes

As solicitudes presentaranse no Rexistro do Concello de Rianxo, preferentemente por vía telemática, empregando o modelo oficial.

Concello de Rianxo

Serán de Rianxo organizado pola Asociación Vai de Roda

Recital poético con micro aberto no marco da Xeira en Rianxo

Festa da salchicha no Araño

Selección de 3 prazas de funcionario/a de carreira de Administrativos C1 (OPE 2025)

Ciclo Primavera, Orfeón Terra a Nosa. ​​​​​​Concerto do 60 aniversario​​​​​​​

Ciclo Primavera, concerto Cuarteto MarAslens

Curso de monitor/a de tempo libre

Acción de Verán 2026: Campamentos e minicampamentos

Colaboración no financiamento dos Servizos Sociais

DÍA DO LIBRO, proxección e coloquio do documental A Rebelión da Lectura de Espazo Lectura

Concerto especial de Uxía Senlle: Cancións Begoñísimas, tecedeira de soños

HOMENAXE A JOSÉ MARÍA VICENTE SOMOZA

Veladas de primavera 2026

Namórate da Aldea, na Área Recreativa As Miráns (Araño)

Festival infantil de música e baile tradicional TR3S PRA'3

Becas para estudos de niveis postobrigatorios 2026/2027

Bando informativo sobre a limpeza de faixas de protección forestal

Exposición: Alberto Rodríguez, Lápis e acrílico

Alberto Rodríguez

Ciclo Primavera, Elsa Muñiz (piano)

Semana Santa Rianxo 2026

Camiños de coñecemento e experiencia, IV Ciclo programa universitario de maiores

LUGAR:

INSCRICIÓN (GRATUÍTA) e máis información:

PROGRAMA

Primavera Cultural 2026

TEATRO, As fillas bravas de Momán a cargo de Chévere

CICLO PRIMAVERA, concertos de música clásica

Concilia Semana Santa

Listaxes definitivas

Publicación da listaxe de solicitudes por instalación

Ciclo Primavera, Orfeón Terra a Nosa. Concerto do 60 aniversario