- "Os cartazes do 25 de abril", exposición en Rianxo da Associaçom José Afonso - Concello de Rianxo

O mércores 25 de abril, ás 17.30 h, o Auditorio de Rianxo acollerá a presentación da exposición "Os cartazes do 25 de abril",  e contará coa intervención da historiadora Alba R. Silgo, e do alcalde de Rianxo, Adolfo Muíños.

 

A exposición poderá visitarse ata o 2 de maio nos horarios de apertura do auditorio. Esta proposta forma parte do programa que a Associaçom José Afonso organiza na semana de actividades “Galiza com o 25 de abril Sempre”, en colaboración cos concellos de Santiago de Compostela e de Rianxo, para dar a coñecer no noso país os acontecementos da Revolución dos Cravos. Cinema, un coloquio, unha exposición e música nas rúas de Compostela e Rianxo servirán para achegar a Galiza protagonistas dos feitos que conseguiron acabar coa ditadura salazarista e traer a liberdade a Portugal.

 

Máis información na páxina de facebook de AJA Galiza