Do 30 de xuño ao 02 de xullo en Rianxo organizado pola aCentral Folque coa colaboración do Concello de Rianxo - 19 Encontro Internacional Zona da Zanfona - Concello de Rianxo

Do 30 de xuño ao 2 de xullo decorrerá o XIX Encontro Internacional Zona da Zanfona en Rianxo. Un evento que cumpre as dezanove edicións ininterrompidas desde 2004 organizado por aCentral Folque e promovido desde o Concello de Rianxo onde teñen pasado os nomes máis senlleiros da escena europea na práctica instrumental da zanfona nas últimas dúas décadas.

Zona da Zanfona é o festival da manivela musical, da revolución silenciosa e mecánica do arco infinito. Combina programación de actividades para o público xeral e especializado que se acheguen até Arousa Norte. Músicos amadores e profesionais e audiencias en xeral que atoparán gozo e deleite na escoita deste fabuloso instrumento. O ZdZ ofrece na vila mariñeira e literaria de Rianxo unha desculpa para vir e gozar de concertos, cursos e convivio arredor da zanfona.

• Máis información.

PROGRAMA:

ZONA DA ZANFONA. 19 ENCONTRO INTERNACIONAL. RIANXO 2023

Concertos

Venres 30 xuño. Praza Rafael Dieste. 21.30 h

• Sangre de Muérdago
• Ben Grossman

Sábado 1 xullo. Praza Rafael Dieste. 21.30 h

• Cantometrics
• David Bellas e Iván Abal

Palco Aberto ZdZ domingo 2 xullo. Pazo do Rianxiño. 12 h

• Mostra de escolas de zanfona
• Xantar aberto ZdZ
• Presentación: Manual galego de zanfona Con Suso Vaamonde. domingo 2 xullo. 17 h. Pazo do Rianxiño

Cursos ZdZ

• Iniciación. Óscar Fernández. Venres 30. 16-20h (emprestamos instrumento!)
• Intermedio. Vítor Soto. Venres 30. 16-20h
• Avanzado. Ben Grossman. Sábado 1. 10-19h
• Construción. Suso Gestal e Ariel Ninas. Sábado 17 e domingo 18 xuño. 10-20h

Info para os cursos:

• Datas de inscrición:  a partir do 1 de xuño
• Lugar: Auditorio de Rianxo
• Inscrición: debes encher o formulario de inscrición accesíbel  no link de cada unha das actividades: pica no link de cada curso: Iniciación ; Intermedio; Avanzado ; Construción
• Correo información: matricula@folque.com