- Ben Vennas Maio, concerto polo día europeo da música antiga - Concello de Rianxo

Ben Vennas Maio, un espectáculo de Pablo Sanmamed, Elena Tarrats, Begoña Olavide, Iago Mourinho e Chus Pazos para conmemorar o día europeo da música antiga.

O concerto terá lugar o vindeiro martes 21 de marzo, ás 20.30 horas, na sala Arcos Moldes do Auditorio de Rianxo.

A entrada é de balde ata completar capacidade. Recollida de convites dende unha hora antes do comezo do espectáculo.

A proposta musical Ben Vennas Maio, de Pablo Sanmamed, é un camiño aberto ás Cantigas de Afonso X a través de dúas linguaxes que se encontran: as da música medieval e o jazz.
Música, texto e fotografía presentan entidade propia ao tempo que dialogan sobre os temas centrais de Ben Vennas Maio: as cantigas, o maio, a primavera, a muller.

A proposta está promovida pola Deputación da Coruña como unha actividade con motivo da celebración do día Europeo da Música Antiga.