Un ano máis volve a desenvolverse en Rianxo o programa universitario de maiores, IV Ciclo da Universidade de Santiago de Compostela - Camiños de coñecemento e experiencia en Rianxo - Concello de Rianxo

Se ten interese en ampliar o seu coñecemento e a súa experiencia en Rianxo, temos novidades para vostede. A Universidade de Santiago de Compostela, en colaboración co Concello de Rianxo, lanzou un proxecto de democratización do coñecemento a través do programa universitario de maiores, IV Ciclo chamado Camiños de Coñecemento e experiencia.

Este programa está dirixido a persoas maiores de 50 anos que desexen seguir aprendendo e enriquecer a súa formación. Os Camiños de coñecemento e experiencia en Rianxo proporcionan unha oportunidade única para acadar novos coñecementos sobre diferentes temas, tales como historia, arte, literatura, ciencia, tecnoloxía e moitos máis.

Pode inscribirse neste proxecto enviando un correo electrónico a cultura@concelloderianxo.gal ou chamando ao teléfono 981 100 688 para obter máis información. Non perda a oportunidade de enriquecer a súa vida a través do coñecemento e da experiencia en Rianxo.

As conferencias van desenvolverse no Auditorio de Rianxo, seguindo o seguinte programa:

• MARTES 18/04/2023 16:30-18:00h

Seminario: Idadismo, desterrando prexuízos I.
Dna. Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC.

• MÉRCORES 19/04/2023 16:30-18:00h

Seminario: Os dereitos básicos das persoas consumidoras: como reclamar.
Técnica do Instituto Galego de Consumo

• XOVES 20/04/2023 16:30-18:00h

Seminario: Os servizos no fogar: luz, gas, telefonía e internet.
Técnica do Instituto Galego de Consumo

• MÉRCORES 26/04/2023 16:30-18:00h

Seminario: A carta xeográfica de Galicia de Domingo Fontán.
D. Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC

• XOVES 27/04/2023 16:30-18:00h

Sesión práctica: Interpretación da carta xeográfica de Galicia de Domingo Fontán.
D. Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC

• MARTES 02/05/2023 16:30-18:00h

Seminario: Idadismo: desterrando prexuizos II.
Dna. Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC