Actividade en colaboración co Fondo Galego de Cooperación dentro do proxecto People and Planet: un destino común, cofinanciado pola Unión Europea no marco do programa DEAR. - Comunicación de Guerrilla, obradoiro formativo - Concello de Rianxo

 COMUNICACIÓN DE GUERRILLA

​​​​​​​Queres formar parte dunha acción de rúa que provoque a reflexión en torno ao dereito á auga?

People & Planet: Un destino común

O proxecto ‘People & Planet: un destino común’ ten como obxectivo concienciar ás mozas e mozos europeos sobre as graves consecuencias do cambio climático para que se convertan en axentes de transformación na procura dun mundo máis sustentable.

No marco deste proxecto o Fondo Galego de Cooperación pon en marcha unha serie de actividades para fomentar a concienciación da mocidade sobre as problemáticas medio ambientais.

Unha delas é Comunicación de Guerrilla, un Obradoiro de 6h impartido por AGARESO que ten como obxectivo coñecer as técnicas da comunicación de guerrilla para deseñar e poñer en marcha unha “acción de rúa” que a través do enxeño e a creatividade, provoque unha reflexión na cidadanía. O tema proposto para reflexionar neste caso será a sustentabilidade vinculada coa auga e a auga como Dereito Humano fundamental.

En Rianxo terá lugar o xoves 29 e venres 30 de xuño de 10.30 a 13.30 horas no Centro Social Liceo de Rianxo.

• Formulario de inscrición.
• Enquisa previa para as persoas inscritas no obradoiro.​​​​​​​

Máis información en xuventude@concelloderianxo.gal