- Días sen gloria teatro a cargo do Centro Dramático Galego - Concello de Rianxo

O próximo sábado 1 de xuño, ás 21.00 horas, terá lugar no Auditorio de Rianxo a representación teatral Días sen Gloria a cargo do Centro Dramático Galego.

O Centro Dramático Galego dedícalle ao autor homenaxeado este ano no Día das Letras Galegas a súa segunda produción propia para esta temporada 2012-2013 coa posta en escena de Días sen gloria. A peza, galardoada en 1992 co Premio Rafael Dieste e estreada por Teatro do Aquí en 1993, incorpórase agora ao repertorio da compañía pública como exemplo da madurez dramatúrxica de Roberto Vidal Bolaño e pola súa significación como un dos mellores expoñentes do seu universo estilístico.

A obra está dirixida por Fefa Noia e conta co seguinte elenco de actores e actrices: Borja Fernández, Manuel Manquiña, Felisa Segade, Eva Souto e Sergio Zearreta.

As entradas, terán un custe de 5 €, e poderán retirarse unha hora antes do comezo da función
 

Máis información Días sen gloria do Centro Dramático Galego