- Encontro coa Arte: pintura ao vivo nas rúas de Rianxo - Concello de Rianxo

Os 1, 2 e 3 de xuño celébrase en Brión o VII Encontro coa Arte: Lembrando a Castelao, unhas xornadas que reúnen en Brión unha trintena de artistas pintores, músicos e poetas. Como en edicións precedentes, unha figura das nosas letras vai ser homenaxeada durante o encontro. Este ano os organizadores escolleron ao escritor, artista e político Alfonso Daniel R. Castelao, un persoeiro de enorme envergadura cultural e humana.

A actividade máis destacada das xornadas van ser os obradoiros de pintura do natural, momento no que os artistas trasladan os seus talleres a distintos lugares e entornas naturais do concello. Como novidade, e en colaboración co Concello de Rianxo, este ano o encontro celebra unha das súas xornadas na vila natal de Castelao, onde, ademais dos mencionados talleres, celebrarase un acto e unha ofrenda floral na lembranza do ilustre rianxeiro.

Descarga da programación

Concello de Brión