A mostra terá lugar na sala de exposicións do auditorio de Rianxo, do 21 de abril ao 19 de maio. - Exposición "20 anos de Música" da Banda da Escola de Música de Rianxo - Concello de Rianxo

A Asociación Escola de Música de Rianxo organiza a exposición "20 anos de Música", enmarcada nos actos conmemorativos do XX aniversario da Banda da Escola de Música de Rianxo. A mostra terá lugar na sala de exposicións do auditorio de Rianxo, do 21 de abril ao 19 de maio.

A apertura da exposición será o venres 21 de abril ás 20.30 horas. A organización do evento conta coa colaboración do Concello de Rianxo, a Deputación da Coruña e Bandin Audio.

Durante a exposición, poderase coñecer a evolución da Banda da Escola de Música de Rianxo durante os últimos 20 anos, grazas a diferentes fotografías, vídeos e instrumentos musicais. Unha oportunidade única para gozar da música e coñecer a historia desta emblemática banda.