Traballos de artista do taller de Xurxo Martiño (Altaira Arte e Ensino) - EXPOSICIÓN. Rianxo: miradas desde o interior - Concello de Rianxo

EXPOSICIÓN. Rianxo: miradas desde o interior

Traballos de artista do taller de Xurxo Martiño (Altaira Arte e Ensino)

• DATAS: do 07 de novembro ao 05 de decembro
• ACTO DE APERTURA: sábado 07 de novembro ás 13.00 h
• HORARIO: luns de 10.00 a 14.00 e de martes a sábado de 11.00 a 13.00 e de 17.00 a 20.00 horas
• LUGAR: sala de exposicións do Centro Sociocultural-Auditorio de Rianxo

En Altaira, escola de arte en Santiago de Compostela, imparten aulas especialistas con gran paixón polas belas artes, como o pintor Xurxo Martiño, profesional non só do ensino, senón tamén artista de longa e recoñecida traxectoria. As súas obras estiveron expostas en máis de 30 exhibicións ao longo dos últimos anos en diferentes puntos de Galiza, e gañou múltiples premios de arte: no eido da pintura e as artes plásticas.

Xurxo é un apaixonado da arte e un explorador da súa propia creatividade, descubrindo sempre novos medios e técnicas cos que expresarse a si mesmo e formar aos seus estudantes.