- Obradoiro poético e recital-performance de Elías Portela - Concello de Rianxo

 

Está aberto o prazo de inscrición no Obradoiro Poético DIVORCIANDO A POESÍA, que desenvolverá o poeta Elías Portela. Organizado pola Editorial Axóuxere en colaboración coa Área de Educación, Cultura e Normalización Lingüística do Concello de Rianxo, desenvolverase os vindeiros venres 19, de 20:00 a 21:30, e sábado 20, de 12:00 a 13:30, na sala de lectura da Biblioteca Pública Municipal “Castelao”.

Todos os interesados poderán inscribírense enviando a FICHA DE INSCRICIÓN ao enderezo de correo-e  cultura@concelloderianxo.es, co asunto “OBRADOIRO ELÍAS PORTELA”, ou ben INSCRIBÍRENSE EN LIÑA no enderezo http://www.concelloderianxo.es/inscricions/obradoirodivorciando

O Obradoiro rematará cun recital-performance tamén na BPM “Castelao”, o vindeiro xoves 25 de outubro a partir das 20:30 horas.

Elías Portela é poeta e tradutor de Cangas, aínda que leva moitos anos vivindo en Islandia, onde, curiosamente, é considerado un dos mellores poetas do momento en lingua islandesa  -na que tamén escribe, ademais de en galego-. A súa presenza en Rianxo inscríbese no programa de Residencias Creativas que a Editorial Axóuxere puxo en marcha este ano e que tivo como primeira creadora á poeta mallorquina Irene Le Sen.

Pódese obter máis información sobre o autor nas seguintes ligazóns:

https://www.facebook.com/pages/El%C3%ADas-Portela/117584388275278

http://www.ellectorperdido.com/2010/07/29/elias-portela/

http://www.ellectorperdido.com/2010/07/29/elias-portela/

http://www.lavozdegalicia.es/noticia/ocioycultura/2012/09/22/gran-poeta-islandia-cangas/0003_201209G22P38991.htm

http://www.youtube.com/watch?v=rF15glp4Ilg

Inscricións:

Descarga do formulario de inscrición

Inscrición en liña