- ODAIKO presenta "Invención" - Concello de Rianxo

Ás 21.00 horas, na Praza de Rafael Dieste, o grupo de percusión ODAIKO presentará o seu espectáculo Invención.

Destinado para un público infantil e familiar.

En “Invención”, a imaxinación e a creatividade son pezas fundamentais para a creación de novos obxectos e para buscar solucións ás que o ser humano se ten que enfrontar no día a día. Pasando por moitas invencións, dende as máis sinxelas ata as que resultaron ser froito da industrialización, a introdución do plástico, etc., sempre chegamos á conclusión de que o futuro é reflexo do pasado e, por tanto, a conexión e o equilibrio entre o tradicional e o moderno están sempre moi presentes.

Como en todos os espectáculos de Odaiko, o enxeño e a conexión co público son as súas claves máis características.

A proposta forma parte da programación de Rede Cultural da Deputación da Coruña.

Invencion - Odaiko