Preestrea da obra "CORTELLO DE AMOR" a cargo da compañía AMORODIO TEATRO, creada en residencia escénica no Auditorio de Rianxo. - Preestrea da obra "CORTELLO DE AMOR" - Concello de Rianxo

Preestrea da obra "CORTELLO DE AMOR" a cargo da compañía AMORODIO TEATRO, creada en residencia escénica no Auditorio de Rianxo.

​​VENRES 27 DE SETEMBRO - ​​​​​​​21:00 h. Sala Arcos Moldes do Auditorio (Rianxo).

PÚBLICO: maiores de 12 anos. ENTRADAS: de balde ata completar capacidade, retirada de convites dende unha hora antes do comezo da función na billeteira do Auditorio.

+ Información:

Jack e Rose son unha parella de mozos que unha noite decide durmir no faiado para deixarlle o seu apartamento ao seu grupo de música favorito. A súa paixón reavívase nese pequeno espazo, e teñen a idea de sacar un extra alugando o apartamento a turistas mentres eles pasan as noites no seu niño de amor. Cando as cousas comezan a complicarse de modos insospeitados (con tramas de espionaxe, especulación inmobiliaria, veciña lercha, sedutor italiano e natación con porcos) terán que preguntarse se acaso o seu niño non será un cortello… E todo o que fixeron, unha merda.