Obradoiro organizado polo Concello de Rianxo coa colaboración da Asociación de escritores e escritoras en lingua galega. - Presentación do libro, Sombras á deriva do alumnado do Obradoiro de Escrita Creativa 2022 - Concello de Rianxo

Presentación do libro "Sombras á deriva" do alumnado do Obradoiro de Escrita Creativa 2022

Acontecerá o venres 09 de xuño ás 20.30 horas no salón de actos do auditorio de Rianxo a presentación do libro "Sombras á deriva", escrito polo alumnado do Obradoiro de Escrita Creativa 2022, impartido e coordinado por Antón Riveiro Coello.

Neste evento, teremos a oportunidade de coñecer ao alumnado que participou neste obradoiro e na mesa participarán: Patricia Díaz, Marina Losada, Encarna Pego, Susana Fernández, Noelia Fernández, Paz Fernández, Abel Rodríguez e Carme García. Todos eles estarán presentes para compartir o seu traballo e celebrar a publicación deste libro.

Ademais do alumnado do obradoiro, tamén contaremos coa presenza de Clodio González da editorial Toxosoutos e o alcalde en funcións de Rianxo, Adolfo Muíños, que amosarán o seu apoio a esta iniciativa cultural.

O evento tamén contará cun recitado poético a cargo de María Carrodeguas, quen nos deleitará coa súa poesía, acompañada musicalmente por Antón Riveiro Coello.