- PRESENTACIÓN DO LIBRO: "O viquingo converso", de Xesús Santos Suárez - Concello de Rianxo

O vindeiro venres 27 de outubro, ás 21.00 horas, terá lugar na Sala Arcos Moldes do Auditorio de Rianxo a presentación do libro de Xesús Santos Suárez: O viquingo converso. Nese mesmo acto tamén se presentará o suplemento cultural A voz de Barbantia (número 128).

Ademais do autor do libro, Xesús Santos, participarán na presentación: Xosé Luís Axeitos, académico da RAG, profesor e investigador; Milagros Torrado, secretaria da Asociación Cultural Barbantia; e Adolfo Muíños, alcalde de Rianxo.

Haberá tamén un agasallo musical, na apertura e peche do acto, a cargo de Valentín Rial (saxo tenor) e Tano Domínguez (piano), alumnos do departamento de jazz da Escola de Música de Rianxo.