Organizado pola Asociación Vai de Roda coa colaboración do Concello de Rianxo e a Deputación da Coruña. - Serán en Rianxo - Concello de Rianxo

Rianxo está a piques de vivir un día cheo de tradición e música coa celebración dun serán organizado pola Asociación Vai de Roda. O evento terá lugar o vindeiro 10 de xuño, no  Campo de Arriba de Rianxo, e está previsto comezar ás 18.00 horas cun seranciño para as crianzas máis pequechas e a partir das 21.00 horas o Serán.

O serán, unha tradición moi arraigada na cultura galega, contará coa colaboración do Concello de Rianxo e a Deputación da Coruña. Este evento busca fomentar a música tradicional e promover a convivencia e o goce da veciñanza e visitantes.

• Máis información no facebook da asociación