- TEATRO: GO ON ! de Producións Malasombra - Concello de Rianxo

O sábado 15 de novembro, ás 21.00 horas, a compañía de teatro Malasombra volve ó Auditorio de Rianxo, agora coa representación de GO ON !, unha odisea cómica escrita por José Luis Prieto e dirixida por Marcos Orsi na que os actores Xoque Carbajal e Jouse García interpretarán a dous exploradores espaciais que entraron nas descoñecidas terras galaicas a través da ruta xacobea.

Go on ! na páxina de Producións Malasombra

A obra está recomendada para todos os públicos.

As entradas son de balde e poden retirarse (máximo 2 por persoa) unha hora antes do comezo da función.

A función está enmarcada no programa Outono Cultural que organiza a Área de Educación, Cultura e Normalización Lingüística do Concello de Rianxo ao abeiro da programación da Rede Cultural da Deputación da Coruña.