- TEATRO: Eu queriame casare, con Pedro Brandariz e Lucía Veiga - Concello de Rianxo

Dinamo Producións presenta na Sala Arcos Moldes do Auditorio de Rianxo, a súa nova obra de teatro: Eu queriame casare, escrita por Jose Prieto e interpretada por Pedro Brandariz e Lucía Veiga. A representación será o vindeiro venres 20 de abril ás 21.00 horas.

Eu queríame casare é a historia televisada de dous auténticos perdedores que buscan a súa última oportunidade no amor. Antón e Lola están cerca dos corenta anos e están buscando unha relación máis… menos… unha relación á que poder agarrarse como cravo ardendo antes de que  pase o tren, pase o arroz e pase… o que teña que pasar.

Coñécense nun destes programas televisivos de “cita a cegas; , a cousa non funciona, pero Antón e Lola, Lola e Antón son de todo menos predecibles e pode acabar pasando calquera cousa. Póñanse no peor.

Unha comedia total que conectará con chiscadelas ó público máis novo e ó máis maduro e que permitirá que moitas parellas falen do seu e amañen as súas diferenzas… ou todo o contrario.

Recomendada a todos os públicos. Duración 75 minutos.

A entrada ten un custo de 6 € na billeteira do Auditorio o día da función. Venda anticipada 5 € na tenda Nino Pieri de Rianxo. Reservas no  correo dinamo@dinamoxestion.com