- TEATRO: Foucellas a cargo de Talía Teatro - Concello de Rianxo

Talía Teatro estará no Auditorio de Rianxo, o sábado 26 de novembro, ás 20.30 h., coa produción FOUCELLAS.

Está recomendada para maiores de 16 anos.

A entrada é de balde ata completar aforo. Poden retirarse as invitacións (máximo 2 por persoa) unha hora antes do comezo da función.

Sitio web Talía Teatro

Ano 1952. Un maquis, un guerrilleiro, un resistente. Un dos últimos homes do monte. Dos que a xente podía chamar, xenericamente, un ‘foucellas’. Mesmo podería ser o Foucellas. Ou non. Ou si. Quen sabe!
Firmeza, teimosía, dúbida, certeza, lealdade, inercia, utopía, inxenuidade, rebeldía, resignación, adaptabilidade, determinación... as armas dunha crúa batalla dialéctica nun tempo terminal.
Ficción, mito e realidade nunha proposta para pensar un momento histórico... o pulso metafórico sobre un transo co que, privada ou colectivamente, ás veces nos enfrontamos: a xestión da esperanza, a administración da derrota.