- Teatro, Sofá da compañía de danza Marta Alonso Tejada - Concello de Rianxo

A compañía de danza Marta Alonso Tejada atópase nestas semanas en residencia na sala Arcos Moldes do Auditorio de Rianxo preparando a súa nova produción Sofá, a versión para espazos interiores.

A preestrea terá lugar o sábado 04 de febreiro, ás 20.30 horas.

Está destinada a tódolos públicos.

Duración: 60 minutos

Este espectáculo fala dunha parella e do seu sofá.
A parella son Marta e Pablo, dúas persoas normais.
O sofá é o lugar no que descansan e esquecen o que está fóra. O mundo: traballo mal remunerado, guerra, ameazas nucleares, catástrofes ecolóxicas, virus asasinos invisibles, normas arbitrarias, pobreza, esgotamento.
Pablo e Marta están enfermos.
Enfermos de cansazo e aburrimento.
Pero téñense a unha ó outro, teñen un sofá, e saben bailar. Non todo está perdido.

• ​​​​​​​Máis información no sitio web da compañía martaalonsotejada
• Sofá