- TEATRO: Cousas de Castelao polo Grupo e Teatro Municipal de Ribeira - Concello de Rianxo

O Grupo Municipal de Teatro de Ribeira representa o vindeiro sábado 26 de xaneiro ás 20.30 horas na sala Arcos Moldes do Auditorio de Rianxo a súa nova obra teatral Cousas de Castelao.

Está destinado a un público familiar, para nenos e nenas a partir de 7 anos.

A entrada é de balde ata completar capacidade. Retirada dende unha hora antes da función na billeteira do Auditorio, máximo 2 por persoa.

Con esta proposta finaliza a programación dos Actos Castelao 2019 que organiza o Concello de Rianxo no mes da morte e nacemento do ilustre rianxeiro.