- Bolsas para deportistas da Deputación da Coruña - Concello de Rianxo

A Deputación Provincial da Coruña, no seu labor de promoción e difusión do deporte, convoca unha serie de bolsas para axudar aos deportistas a progresar naqueles deportes que teñan un carácter individual e pertenzan a algunha das disciplinas olímpicas.

Establécense tres grupos:

• Grupo A, 12-17 anos: deportistas nados/as a partir do 1 de xaneiro de 2001 ( incluído) que non teñan o recoñecemento pola Secretaría Xeral para o Deporte como Deportistas Galegos/as de Alto Nivel (DGAN) no ano 2017.
  Concederanse 15 bolsas de 3.000 € cada unha delas.
• Grupo B, 18-23 anos: deportistas nados/as a partir do 1 de xaneiro de 1995 ( incluído) que non teñan o recoñecemento pola Secretaría Xeral para o Deporte como Deportistas Galegos/as de Alto Nivel (DGAN) no ano 2017.
  Concederanse 15 bolsas de 3.000 € cada unha delas.
• Grupo C: deportistas con recoñecemento, pola Secretaría Xeral para o Deporte como Deportistas Galegos/as de Alto Nivel (DGAN) nos anos 2015, 2016 ou 2017, e/ou deportistas con participación nos últimos Xogos Olímpicos/Paralímpicos de Río 2016.
  Concederanse 15 bolsas de 4.000 € cada unha delas.

O prazo para solicitar estas axudas remata o 20 de xuño de 2018 ás 14:00 horas.

Máis información no Servizo de Deportes.