- Campionato de España de Voleibol Infantil Masculino - Concello de Rianxo

Rianxo vai ser unha das sedes, xunto co resto de Concellos de Arousa Norte, do Campionato de España de Voleibol na categoría infantil masculina. A competición, que xunta aos mellores equipos da canteira nacional, celébrase do mércores 16 ao domingo 27 entre A Pobra do Caramiñal, Boiro, Rianxo e Ribeira e contará con tres equipos galegos, Emevé, Santa María del Mar e Jealsa Boiro.

O Pavillón Municipal de Rianxo acollerá partidos do mércores ao sábado, en horario de mañá e de tarde. As finais disputaranse o domingo no Pavillón da Cachada (Boiro).

O evento, organizado polas Federacións Galega e Española de Voleibol, coa colaboración de Arousa Norte, o Club Boiro Voleibol e os concellos de Rianxo, Boiro, A Pobra do Caramiñal e Ribeira,  reunirá a 23 equipos, preto de 300 rapaces participantes que vivirán unha experiencia inesquecible disfrutando da súa gran paixón, o voleibol.