- Carreira e Andaina Nocturna Solidaria "Castelo da Lúa" - Concello de Rianxo

O Concello de Rianxo, Barbantia Roda e o Club Atletismo Rianxo organizan a Carreira-Andaina Nocturna Solidaria “Castelo da Lúa”, que terá lugar o 20 de Agosto do 2016 a partir das 21:30 h. na Praza de Castelao.

Tanto a Carreira coma a Andaina Nocturna teñen un carácter popular, na que calquera persoa poida participar, pois os percorridos teñen un perfil e unha distancia accesibles a calquera estado de forma física. Así, pretendemos que sexa unha grande festa deportiva para os veciñ@s, turistas e afeccinoad@s ao deporte.

Nesta primeira edición, a proba organizase a beneficio de SOGAPS (Solidariedade Galega co Pobo Saharauí), que desenvolve día a día un grande traballo de solidariedade, sendo  destinado a tal fin o 100%  do recadado. Necesitamos do voso apoio e participación para que poidan seguir coa súa labor.

Pódese colaborar participando na Andaina, na Carreira ou a través do Dorsal 0, facendo unha doazón polo importe desexado.

Información xeral

Aquí pódese atopar a información principal da proba. Para ampliala acudir ao regulamento completo da proba ou ao Servizo Municipal de Deportes.

Regulamento da Proba

Percorrido Carreira

Percorrido Carreira Menores

Percorrido Andaina

Facebook da Concellería de Deporte e Patrimonio Histórico.

Evento Facebook Carreira - Andaina Castelo de Lúa

Inscricións e prezo

Carreira
Inscrición en liña, ata o xoves 18 de agosto de 2016  ás 24:00 h. Non se aceptarán inscricións fora de prazo ou con datos incompletos.

5 € nas categorías xuvenil, júnior, promesa, sénior e veteráns.
Gratuíto para as categorías de xoubas a cadete.

Andaina
Inscrición en  liña, ata o xoves 18 de agosto de 2016 ás 24:00 h.
Presencial:  na Praza Castelao ata 15 minutos antes do inicio da proba.

É obrigatorio inscribirse e retirar o dorsal para a andaina, agás os nenos/as que xa participaran na carreira que utilizarán o dorsal da mesma.

3 € nados no 1999 e anteriores (inclúe o dorsal do adulto e os dorsais precisos para os menores acompañantes que non participaran na carreira).
Gratuíto para os nados no 2000 e posteriores (acompañados dun adulto con dorsal).

Dorsal 0 (Solidario): Doazón da cantidade desexada a través da pasarela de pago ata o 18 de agosto de 2016 ás 24:00 h. Ou na Praza Castelao ata 15 minutos antes do inicio da proba. Non da dereito a dorsal.

Límite prazas:

• 500 inscritos na  categoría absoluta da carreira (xuvenís e posteriores).
• A andaina non ten límite de prazas.

Categorías

Carreira

• Xoubas 2011-2012-2013 . 3 saídas, agrupados por ano de nacemento.

• Sardiñas 2009-2010.

• Benxamín 2007-2008.

• Alevín 2005-2006.

• Infantil 2003-2004.

• Cadete 2001-2002.

• Xuvenil 1999-2000.

• Júnior 1997-1998.

• Promesa 1994-1995-1996.

• Sénior 1982-1993.

• Veteranos 1 1977-1981.

• Veteranos 2 1967-1976.

• Veteranos 3 1957- 1966.

• Veteranos 4 1956 e anteriores.

Andaina: Todas as idades nunha única saída.

 

Distancias e horarios

Categoría	Distancia	Horario	Percorrido	Nº voltas
Xoubas	100 m.	21:30 h.	Amarelo – 100 m.	1
Sardiñas	750 m.	21:45 h	Verde – 750 m.	1
Benxamín	750 m.	21:55 h	Verde – 750 m.	1
Alevín	1.500 m.	22:05 h.	Verde – 750 m.	2
Infantil:	1.500 m.	22:15 h.	Verde – 750 m.	2
Cadete:	6.500 m.	22:30 h.	Vermello	1
Xuvenil/Júnior/ Promesa/Sénior e Veteranos	6.500 m.	22:30 h.	Vermello	1