Curso de iniciación á vela para nenos e nenas de 6 a 16 anos (nados do 2010 ao 2020), do 3 ao 7 de agosto. - CURSO DE VELA - RIANXO 2026 - Concello de Rianxo

A Real Federación Galega de Vela, o Club Náutico de Rianxo e o Concello de Rianxo organizan un curso de iniciación á vela lixeira, a celebrar do 3 ao 7 de agosto en Rianxo. O obxectivos principais son achegar o mundo da vela ao alumno/a, que se divirtan navegando e dominar os aspectos da básicos da navegación.

Información xeral
    • Lugar: Instalacións do Club Náutico e porto de Rianxo.
    • Calendario: do 3 ao 7 de agosto (luns a venres).
    • Grupos e horarios:
        ◦ Quenda de mañá de 10 a 14 h.
        ◦ Quenda de tarde: 16 a 20 h.
    • Embarcacións: 6 Optimist, 2 Topaz e 1 Omega

Persoas  destinatarias
    • Idade: Nados entre o 2010 e o 2020, ambos inclusive.
    • Imprescindible saber nadar.
    • Terán prioridade os nenos e nenas empadroados no noso Concello e/ou socios do Náutico.

Prazas
    • 40 en total. 20 prazas na quenda de mañá e 20 na de tarde. 

Prazo

• ​​​​​​​O pazo de inscrición estenderase ata o 29 xullo ás 14 h.
• A persoa interesada só poderá preinscribirse nunha das quendas ofertadas, mañá ou tarde.
• Unha vez rematado este prazo, só se admitirán novas solicitudes no caso de haber prazas vacantes, que serán adxudicadas por orde de presentación.

Solicitude de praza
    • Formulario en liña debidamente cumprimentado (PRAZO ORDINARIO REMATADO).
        ◦ Datos de pai/nai/titor e da persoa participante no curso.
        ◦ Autorizacións do pai/nai/titor. 
            ▪ Comprobación do empadroamento no Concello de Rianxo e/ou da condición de socio do C. Náutico de Rianxo.
            ▪ Protección de datos e uso de imaxes.
    • Fotocopia do DNI, ou do libro de familia (a entregar no Náutico).
    • No caso de tratamento médico ou doenza entregarase xustificante médico asinado polo facultativo pertinente (a entregar no Náutico)
    • Volante de empadroamento (só no caso de non autorizar a comprobación). 

Adxudicación das prazas
    1. As prazas adxudicaranse para cada quenda.
    2. No caso de as solicitudes non superen as prazas dispoñibles, a adxudicación das mesmas farase de xeito directo.
    3. No caso de que as solicitudes que cumpran o apartado 3 do apartado “Persoas destinatarias” non cheguen ao tope de prazas, estas adxudicaranse de xeito directo por orde de inscrición e sortearanse as unicamente as vacantes de cada quenda.
    4. Procedemento do sorteo:
        1. O sorteo público terá lugar na Casa do Concello de Rianxo o xoves, 30 de xullo, ás 12 h.
        2. Sortearanse as prazas vacantes en cada unha das quendas, despois da aplicación dos supostos detallados nos puntos 1 a 3 deste apartado.
        3. As listaxes de admitidos e reservas serán independentes para cada unha das quendas.
        4. No caso de ter que recorrer ás listaxes de reserva, utilizarase primeiro a da quenda correspondente e só se usaría a da outra quenda no caso que que non se cubriran as prazas.

Custo da actividade 
    • 30 € a abonar no Club Náutico, unha vez confirmada a praza (inclúe licenza federativa).
Indumentaria e equipo
    1. Aportado pola organización:
        1. Equipo de flotación individual (chaleco).
        2. Neopreno curto
    2. A traer polo neno/a:
        1. Crema solar
        2. Calzado: tenis ou chancletas que se poidan atar.
        3. Suadoiro ou cortaventos.
        4. Bañador.