O programa de Roteiros Goza do Ulla volve a Rianxo o vindeiro 27 de agosto coa ruta das trece cruces - Goza do Ulla 2023: As trece Cruces - Concello de Rianxo

O Concello de Rianxo organiza a ruta de sendeirismo "As Trece Cruces", dentro do programa Goza do Ulla 2023, o domingo 27 de agosto.

O trazado previsto é unha ruta circular que percorre varios lugares destacados da contorna da desembocadura do río Ulla. Destaca a punta Patiño ou de Trece Cruces, onde se atopa un Vía Crucis marítimo-fluvial con fantásticas vistas e espazo de interese para a observación de aves. Tamén se bordeará o monte das Cercas, no que se atopan os restos dun castro. O percorrido permitiranos divisar a ría de Arousa e a marxe oposta pertencente aos municipios de Catoira e Vilagarcía, incluíndo a Illa de Cortegada.

Información da ruta:

​​​​​​​Data: 27 de agosto
Hora de inicio: 09:30 h
​​​​​​​Lugar de inicio/fin: Escola unitaria de Quintáns (GPS: 42.667818, -8.741161)
Duración (aprox.): 4 horas
Distancia (aprox.): 11 Km

Inscricións:

Ata o mércores 23 de agosto as 23:59)no seguinte link podes formalizar a túa inscrición:

• https://app.cluber.es/clubes/9dcfccf72785b4c2dc585a5f24c002f7bb2e3691/pagos/64d1e61e0da8c088229783

Información:

Telf.: 622 322 953
Correo-e: turismo@avivae.com ou turismo@concelloderianxo.gal

A inscrición na actividade supón a autorización para a realización e difusión de imaxes por parte da organización. 

Non está permitido levar animais durante o percorrido desta actividade.