- Móllate polos ríos! - Concello de Rianxo

VI LIMPEZA SIMULTÁNEA DE RÍOS DO PROXECTO RÍOS

O concello de Rianxo participa no proxecto “Móllate polos ríos”. O Proxecto Ríos é un programa de Educación e Voluntariado Ambiental que ten a finalidade de dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantemento e a mellora dos ríos proporcionando as ferramentas que garantan a súa participación.

En Rianxo a actividade dará comenxo ás 10:30 horas coa xuntanza das persoas interesadas no polígono de Té, e limparase parte do cauce do río Té.

A VI Limpeza Simultánea “Móllate polos ríos” se celebrará este ano en 41 concellos de toda Galiza, e participarán un total de 51 entidades (asociacións, comunidades de montes, colectivos ecoloxistas, delegacións de ADEGA, centros de ensino…) e tamén 7 concellos que organizan directamente esta actividade. Algúns destes grupos xa participaron nas limpezas de anos pasados e outros son grupos participantes no Proxecto Ríos. Tamén hai novas entidades que se sumaronpor primeira vez a estasexta edición. A limpeza que será o 29 de setembro mobilizará a numerosos voluntarios e voluntarias que se desprazarán aos ríos destes 41 concellos para deixalos libres de lixo, nunha xornada de voluntariado ambiental e concienciación social.

Para levar a cabo a actuación reeditouse o protocolo de limpeza de ríos co fin de ofrecer unhas pautas sobre cómo se debe facer unha limpeza ecolóxica nos ecosistemas fluviais. Tamén se agasallará aos/ás voluntarios/as con unhas camisolas co lema da limpeza. Actualizouse a páxina web para a limpeza:

Móllate polos ríos

Máis información no teléfono 981 86 08 08.