- Rianxo, capital galega do xadrez. - Concello de Rianxo

Rianxo será durante esta fin de semana a capital galega do xadrez ó acoller dúas importantes probas do calendario axedrecístico galego. O sábado, 1 de setembro, celebrarase o IV Trofeo Internacional DISTRIBUNOSA - Concello de Rianxo e o domingo, día 2, será o II Campionato Galego de Xadrez Activo.

A presentación tivo lugar o pasado venres, 24 de agosto, a cargo de Adolfo Muíños, Alcalde de Rianxo, Joaquín Domínguez, Concelleiro de Deportes, Daniel Martínez, Presidente do Club Xadrez Rianxo e Manuel Castaño, Xerente de DISTRIBUNOSA.

Destacouse o grande traballo que está a facer o Club Xadrez Rianxo en prol do desenvolvemento do xadrez e do deporte rianxeiro, ao tempo que se alabou a súa capacidade organizativa, como o demostra o feito de que Rianxo fora designada, por segundo ano consecutivo, sede do Campionato Galego de Xadrez Activo e tamén a repercusión e prestixio que acadou o Trofeo DISTRIBUNOSA - Concello de Rianxo en tan so 3 edicións.

Recoñeceuse e agradeceuse a importancia do esforzo de patrocinio e colaboración que fai a empresa DISTRIBUNOSA,  apoio imprescindible para a organización destas probas.

IV TROFEO INTERNACIONAL DISTRIBUNOSA – CONCELLO DE RIANXO.
Rianxo, 1 de setembro de 2012

• Organiza: Club Xadrez Rianxo e Federación Galega de Xadrez
• Patrocina:  DISTRIBUNOSA
• Colabora: Conservera de Rianxo, S.A., Xunta de Galicia, Deputación de A Coruña, Deporte Galego, Concello de Rianxo.
• Local de xogo: Pavillón municipal de Rianxo
• Horarios: De 10 a 18:30 h. aprox.. Entrega de trofeos ás 19:30 h.
• Inscrición: 5 € antes da primeira rolda no local de xogo
  - Deberá facerse en escolaxadrezrianxo@gmail.com, indicando o nome, apelidos, data de nacemento, club e elo fide (da última lista publicada pola FIDE antes do inicio do torneo).
  - O prazo límite para inscribirse será o xoves 30 de setembro ás 12:00 h.
  - Os xogadores do Club Xadrez Rianxo e menores de 16 anos están exentos da cota.
• Trofeos: Trofeos e agasallos para os do Circuíto de Promoción e 2.000 € en premios e trofeos para a categoría absoluta.
• Categorías: Prebenxamín, benxamín, alevín,infantil, absoluta.

II CAMPIONATO GALEGO DE XADREZ ACTIVO.
Rianxo, 2 de setembro de 2012

• Organiza: Club Xadrez Rianxo e Federación Galega de Xadrez
• Colaboran: DISTRIBUNOSA, Concello de Rianxo, Xunta de Galicia,  Deporte Galego.
• Local de xogo: Pavillón municipal de Rianxo
• Horarios: De 10 a 18:30 h. aprox.. Entrega de trofeos ás 19:30 h.
• Inscrición: Deberá facerse en escolaxadrezrianxo@gmail.com, indicando o nome, apelidos, data de nacemento, club e elo fide (da última lista publicada pola FIDE antes do inicio do torneo).
  O prazo límite para inscribirse será o xoves 30 de setembro ás 12 h.
• Categorías: Única