- Acto da memoria no Cemiterio de Rianxo - Concello de Rianxo

O vindeiro martes 31 de outubro, ás 18:00 h, o Cemiterio de Rianxo acollerá un acto de homenaxe e lembranza ás persoas que repousan alí,  que foron transmisoras da nosa lingua durante a súa existencia e tamén a través do texto que testemuña o seu falecemento na súa lápida.

No acto de lembranza participarán Xoaquín Monteagudo, en representación da Asociación de Funcionarios para a Normalización da Lingua Galega, e mais o alcalde de Rianxo, Adolfo Muíños, que lerán uns textos de homenaxe a todas as rianxeiras e rianxeiros falecidos. Ademais convídase a toda a veciñanza a que participe neste acto e manifeste a vontade de seguir transmitindo a nosa lingua e a nosa cultura.

O acto terá un acompañamento musical da man de alumnado da Escola de Música de Rianxo.