O programa da Escola de familias 2020 do Concello de Rianxo, inserido dentro do Programa Apego, ofrecerá diversas actividades todas as tardes dos mércores no Liceo marítimo. - Cantos, contos e outras animaladas de Ana Facchini, inaugura a Escola de familias 2020 - Concello de Rianxo

Bota a andar o programa da Escola de familias 2020, que en Rianxo se enmarca dentro do Proxecto Apego, campaña de dinamización lingüística para a primeira infancia impulsada por preto de trinta concellos de Galiza.

A Escola de familias 2020 tiña previsto botar a andar no mes de abril, mais por mor da alerta sanitaria tivo que cancelarse. De volta co curso escolar, os/as máis pequenos/as e as súas familias van poder gozar dunha serie de actividades deseñadas exclusivamente para eles: contacontos, obradoiros, charlas, saúde... conformarán a programación desta Escola que centrará a súa actividade nas tardes dos mércores dos meses de outubro a decembro.

As actividades iranse publicando con varios días de antelación, debido a que o seu desenvolvemento se poderá ver alterado segundo evolucione a situación sanitaria.

A actividade de benvida á Escola de familias 2020 é a seguinte:

Contos, cantos e outras animaladas, contada a cargo de Ana Facchini

Día: mércores, 7 de outubro

Hora: 17:30

Lugar: Liceo marítimo rianxeiro

Para participar nesta actividade hai que inscribirse previamente a través do seguinte correo electrónico: normalizacion@concelloderianxo.gal ​​​​​​​ onde haberá que indicar:

- nome da crianza

- nome da persoa acompañante (deben indicar se viven xuntos ou non)

- número de teléfono

As prazas son limitadas.