Trátase dunha actividade formativa que promoverá o acollemento lingüístico e cultural e servirá de apoio para preparar os exames Celga 1 e 2. - Curso básico de lingua e cultura galega en Rianxo - Concello de Rianxo

O Concello de Rianxo organiza un Curso básico de lingua e cultura galega. O que se pretende con esta actividade formativa é acoller lingüística e culturalmente as persoas de fóra de Galiza e tamén servir de ferramenta de integración para a cidadanía que aínda non dispón dos niveis iniciais do certificado de lingua galega (Celga 1 e 2). 

O curso desenvolverase entre os meses de marzo e abril, xa que para maio prevese que sairá a convocatoria de exames Celga que anualmente organiza a Xunta de Galicia. 

Datas: do 3 de marzo ao 30 de abril (clases só os martes e os xoves).

Horario: de 19:00 a 21:00 h (30 horas en total)

Lugar: Auditorio de Rianxo

Prazo de matrícula: do 12 ao 26 de febreiro de 2020

Número mínimo de participantes: 10

Solicitudes e información: Servizo de Normalización Lingüística do Concello de Rianxo

Correo elec.: normalizacion@concelloderianxo.gal ​​​​​​​  Tel.: 881 988 891