Charla educativa encadrada na programación especial do 25N, que procura homes para participar nas actividades relacionadas cos coidados infantís do Programa Apego. - Escola de familias: Quererse ben, a urdime do bo trato, coa psicóloga Natalia Guedella - Concello de Rianxo

Día: mércores, 18 de novembro

Hora: 16:30

Lugar: Auditorio de Rianxo

Debido á conmemoración do 25N (Día da Eliminación da Violencia contra a Muller), o Proxecto Apego do Concello de Rianxo organizará unha serie de actividades a través das cales procurará a participación activa dos homes do Concello baixo o lema: “Para vivirmos nun Rianxo feminista, trae un home”.

A Escola de familias de Rianxo, organizada conxuntamente polos departamentos de Benestar e Normalización Lingüística,  adoita combinar actividades culturais con outras relacionadas cos coidados infantís, a saúde, etc. Nestas últimas, a organización do programa detectou unha moi baixa participación dos homes, aspecto que segue a constatar a realidade de que en canto a cubrir as necesidades das crianzas no ámbito familiar, a muller segue situándose á fronte. Así, o concello busca pór o foco de atención na necesidade de que os homes se impliquen nestes coidados infantís, polo que os convida a participar en actividades como a deste mércores:

Quererse ben: a urdime dun bo trato é unha charla educativa dirixida pola psicóloga Natalia Guedella que aborda a temática de como acompañar as crianzas con amor e respecto tendo en conta as súas necesidades, desenvolvemento afectivo-sexual, poder e autonomía. Aprender a ser esa urdime coa que sentirse seguros de si mesmos, e desde a que querer e quererse ben, como base do bo trato.

Podes ver o vídeo de Natalia Guedella no que vos anima a participar, aquí.

Dirixido a familias con crianzas, educadoras e demais persoas interesadas.

Modo de inscrición: enviar un correo electrónico a normalizacion@concelloderianxo.gal ​​​​​​​ou chamar ao número de teléfono: 881 988 798

Prazas limitadas