- Programa Apego: última sesión e entrega de diplomas do Obradoiro de Disciplina Positiva - Concello de Rianxo

O mércores día 5 tivo lugar a última sesión do Obradoiro de disciplina positiva, impartido pola pedagoga María Paredes. Ata un total de 20 persoas asistiron regularmente a este obradoiro da Escola de Familias do Concello de Rianxo, que constou de cinco sesións en total, repartidas en varios mércores dos meses de maio e xuño.

A Concelleira de Benestar, Igualdade e Diversidade en funcións do Concello de Rianxo, Hadriana Ordóñez, entregou en nome do alcalde, os diplomas de asistencia ao alumnado, á vez que o animou a seguir participando nas propostas formativas que a Escola de Familias ten programadas para despois do verán: os Faladoiros de alimentación saudable e Mindfulness en familia, impartidos pola nutricionista infantil Lidia Folgar e pola psicóloga familiar de Espazo Oikos, Raquel Bello.

Os obradoiros da Escola de Familias ofrecésenlle á cidadanía a través do Proxecto Apego, un programa que pretende mellorar a socialización en lingua galega como lingua inicial.