- Axudas urxentes de tipo social para evitar cortes de subministración eléctrica ás persoas máis vulnerables (Auxs) - Concello de Rianxo

A Consellería de Economía, Emprego e Industria vén de convocar estas axudas urxentes de tipo social (Auxs) para evitar o corte do subministro eléctrico e de gas natural ás persoas economicamente máis vulnerables

Requisitos

• Que os ingresos totais de todas as persoas que conviven no domicilio no momento de presentar a solicitude, non superen o IPREM (6.390,13 € anuais) na declaración do IRPF do exercicio 2015
• Ser residentes na Comunidade Autónoma de Galicia
• Ser o/a titular do contrato de subministración eléctrica
• Ter unha factura de electricidade ou gas natural pendente de pagamento e que xa transcorrese a data límite de pagamento especificada na factura
• Non estar incurso/a nas prohibicións para obter a condición de persoa beneficiaria, recollidas no artigo 10 da Lei de subvencións.

Tipo de axuda

Os gastos subvencionables serán o 100% do importe das facturas de electricidade ou gas natural correspondente á vivenda habitual da persoa solicitante, cun límite máximo de 2 facturas/ano e importe máximo de 200 €/ano por solicitante.

Presentación da solicitude

• Presentación electrónica: https://axudascortes-subministracion.xunta.gal e http://sede.xunta.gal
• Oficinas da xefatura territorial da Consellería de Economía, Emprego e Industria (Rúa Vicente Ferrer, 2, A Coruña)
• Oficinas da Dirección Xeral de Enerxía e Minas (Edificios Administrativos - San Caetano, s/n, Santiago de Compostela)
• Servizos Sociais Comunitarios Básicos

PRAZO DE SOLICITUDE: Ata o 15 de decembro de 2017

Máis información

• Páxina web oficial da consellería: http://economiaeindustria.xunta.es
• Teléfonos de información: 981 957 024, 981 545 587 e 981 545 574
• No enderezo de correo electrónico: cei.dxiem.axudasenerxia@xunta.es
• Servizos Sociais Comunitarios Básicos do Concello de Rianxo