- Bono Coidado - Concello de Rianxo

O programa, convocado pola Consellería de Política Social, contempla axudas económicas ás familias para atender no domicilio a nenos e nenas menores de 3 anos, que precisen dun recurso personalizado a domicilio para cubrir necesidades puntuais derivadas da conciliación das obrigas laborais e as responsabilidades familiares.

 

Tipo de axuda
Unha achega económica (de contía variable en función da renda per cápita da unidade familiar), para contribuír ó pagamento do importe de servizos de atención á infancia a domicilio, nos seguintes supostos:

• Enfermidade do/a menor e imposibilidade de ser coidado/a polos membros da unidade familiar.
• Enfermidade da persoa coidadora habitual
• Asistencia da persoa coidadora habitual a entrevistas de traballo ou cursos de formación.
• Situacións puntuais de carácter laboral ou de coidado, tanto do cónxuxe ou parella como de familiares ata o segundo grao de parentesco por consanguinidade ou afinidade, que impidan a atención do/a neno/a polos membros da unidade familiar.

 

Contía da axuda

Estará en función da renda per cápita da unidade familiar, de acordo cos seguintes tramos:

• Ata 3.750 euros: 14 €/hora.
• Superior a 3.750 e ata 7.500 euros: 11 €/hora.
• Superior a 7.500 e ata 10.000 euros: 9 €/hora.
• Superior a 10.000 e ata 13.500 euros ou superior dentro dos límites establecidos para poder ser beneficiario/a: 7 €/hora.

 

Persoas beneficiarias
Pais/nais, titores/as ou as persoas acolledoras de nenos e nenas menores de 3 anos, residentes na Comunidade Autónoma de Galicia que se atopen nos supostos seguintes:

• Ter un/ha neno/a nacido con posterioridade a 31/12/2013 (con respecto da anualidade 2016) ou con  posterioridade a 31/12/2014 (anualidade 2017)
• Que a renda da unidade familiar non supere os 45.000 € ou 13.500 € per cápita.
• Ademais, as persoas beneficiarias teñen que cumprir os requisitos establecidos no artigo 10 da Lei 9/2007, do 13 de xuño, de subvencións de Galicia.

 

Período subvencionable: Desde o día 20 de agosto de 2016 ata o 1 de decembro de 2017. A contía da axuda farase efectiva unha vez que se presente a documentación correspondente e concederase un máximo de 20 horas na anualidade 2016 e de 60 horas na anualidade 2017. Este crédito horario diminuirá proporcionalmente a partir do 1 de outubro de 2016 en función do momento de solicitude da axuda.

 

 

Prazo de solicitude: Ata o 30 de setembro de 2017

 

Lugar de presentación de solicitudes

• Preferentemente por vía electrónica a través da sede electrónica da Xunta de Galicia (http://sede.xunta.es), incluído o sistema de usuario e clave Chave365 (https://sede.xunta.es/chave365).
• Opcionalmente tamén se poderán presentar o formulario de solicitude en soporte papel nos lugares dispostos no artigo 38.4 da Lei 30/92 de 26 e novembro.

 

A contía da axuda farase efectiva unha vez que se presente a seguinte documentación:

• Facturas orixinais (ou documentos de valor probatorio equivalente) dos gastos realizados onde conste expresamente o día e hora/s en que se prestou o servizo, xunto cos xustificantes bancarios que acrediten o seu pagamento.
• Xustificación documental da situación puntual que dá dereito á percepción da axuda: xustificante médico de enfermidade do/a neno/a, da persoa coidadora habitual ou do cónxuxe ou parella e de familiares ata o segundo grao de parentesco por consanguinidade ou afinidade; certificado de asistencia a entrevistas de traballo ou cursos de formación; certificado da empresa acreditativo do motivo de carácter laboral que impide o coidado do/a neno/a ou declaración xurada e documentos de alta censual (modelo 036) e de alta na Seguridade Social para o caso de traballadores/as autónomos/as.

 

Máis información

• Nos seguintes enderezos da internet: http://sede.xunta.es e http://politicasocial.xunta.gal
• Servizos Sociais Comunitarios Básicos

Orde que regula o programa do Bono Coidado