A día de hoxe, hai unha gran necesidade de cultivar e ordenar o mundo emocional mais moitas persoas carecen de recursos para facelo. Esta escola de emocións nace para crear un espazo onde eses recursos sexan accesibles á poboación , ofrecendo ferramentas útiles e sinxelas que poden crear un gran impacto beneficioso nas súas vidas. - Escola de emocións - Concello de Rianxo

PERSOAS PARTICIPANTES: Persoas maiores de idade.

OBXECTIVOS XERAIS:
- Dotar ás persoas de ferramentas e recursos emocionais que melloren as súas vidas.
- Fomentar o autocoñecemento.
- Achegar o mundo emocional á vida cotiá.
OBXECTIVOS ESPECÍFICOS:
- Achegar e practicar o auto-regulamento.
- Favorecer a asertividade.
- Aprender as bases para cultivar relacións sas.

ACTIVIDADES:
Cada obradoiro constará de unha primeira parte que consistirá en dar información (fase cognitiva):
Que é a emoción.
Cal é o seu estímulo.
Como funciona.
Cal é a súa finalidade.
Identificar os estímulos e a emoción que lle corresponde, centrándonos na triada: medo, tristeza, rabia.
E unha segunda parte con dinámicas de movemento: Vivenciar sensacións, expresalas a nivel corporal e construír metáforas de aprendizaxe que activen todo o potencial emocional.

DATAS:

- MARZO: 9, 16, 23 e 30

- ABRIL: 13, 20 e 27

- MAIO: 4

HORARIO: 17:30 a 19:30H

LUGAR: Salón de actos Auditorio.

IMPORTANTE  ASISTIR CON ROUPA CÓMODA (como para facer deporte) E ALGO POR SE SE QUERE TOMAR NOTAS.

INSCRICIÓN ATA O 3 DE MARZO. PRAZAS LIMITADAS (981860061 ou 604024012)

ACTIVIDADE SUBVENCIONADA POLO PACTO DE ESTADO CONTRA A VIOLENCIA DE XÉNERO. MINISTERIO DE IGUALDADE