- Museo vivente dos oficios invisibles - Concello de Rianxo

En conmemoración do día internacional da muller, o vindeiro domingo 13 a continuación do acto institucional diante do Concello, ás 13:30h realizarase na rúa de Abaixo (diante do Museo Manuel Antonio) o Museo Vivente dos Oficios Invisibles por iniciativa veciñal.

A rúa de abaixo converterase nun pequeno Museo vivente onde se homenaxeará a todas as mulleres que durante anos, e tamén no presente, realizan a diario tarefas relacionadas co fogar sen que estas sexan consideradas oficios ao non estar directamente remuneradas. Con este Museo, preténdese non só ensalzar, visibilizar e revalorizar estes oficios invisibilizados, senón tamén informar aos visitantes do valor económico que estes implican, directamente, para as familias.