- "Quen dixo medo?", obradoiro de autodefensa - Concello de Rianxo

A Deputación da Coruña ten en marcha a campaña de sensibilización contra a violencia de xénero QUEN DIXO MEDO?
Dentro desta campaña, enmárcase o Obradoiro de autodefensa, que terá lugar no Concello de Rianxo na seguinte data:

• Día: sábado 22 de xullo de 2017
• Horario: de 11:00 a 13:30 horas
• Lugar: Centro sociocultural-auditorio (R/ Autores da Rianxeira)

A finalidade do obradoiro é xerar un espazo que permita ás mulleres identificar as agresións, analizando a súa orixe, proporcionándolle as habilidades e coñecementos dos mecanismos de defensa, tanto físicos como psíquicos, fronte a un posible agresor, de xeito que, a través das técnicas aprendidas, poidan saír ilesas dunha situación de violencia, dando unha resposta contundente e decidida.

DESTINATARIAS

Mulleres maiores de 16 anos, nun grupo de non máis de 15 persoas para favorecer unha atención individualizada.

LUGAR DE INSCRICIÓN

• Servizos Sociais Comunitarios Básicos (r/ Estrada de Tanxil, 12. 981 86 00 61 / servizossociais@concelloderianxo.gal)
• Prioridade por orde de inscrición

METODOLOXÍA

O obradoiro empregará unha dinámica totalmente participativa, na que se articularán dúas grandes áreas de traballo: un bloque teórico, no cal se promoverán técnicas grupais, debates etc... para o tratamento dos temas presentados; e por outro, un bloque práctico, no que se traballarán aspectos físicos e psicolóxicos para que as mulleres tomen consciencia dos seus dereitos, da súa forza e da súa valía a través do traballo físico.

CONTIDO

- Parte teórica:

• Que é a violencia de xénero?
• Ciclo de violencia
• Identificación das situacións de violencia
• Análise dos tipos de violencia

- Parte práctica:

• Formas de defensa e bloqueo
• Técnicas de inmobilización
• Hábitos de conduta e actuación