- Tarxeta acreditativa do grao de discapacidade - Concello de Rianxo

Finalidade da tarxeta

Facilitar a acreditación da condición de persoa con discapacidade do seu titular e o acceso a determinados servizos que poidan mellorar a súa calidade de vida.

Titulares

Persoas que teñan recoñecido un grao de discapacidade igual ou superior ao 33%. A tarxeta acreditativa de grao de discapacidade é un documento persoal e intransferible que serve de documento substitutivo, para todos os efectos, da resolución pola que se recoñece o devandito grao, e que ten validez en todo o territorio do Estado.
A súa presentación debe ir acompañada do DNI, NIE ou pasaporte, no suposto en que así o requira o organismo/entidade competente. As persoas titulares menores de 14 anos, poderán acreditar a súa identidade mediante certificación literal de nacemento expedida polo rexistro civil correspondente.

Procedemento de expedición:

• Expedirase de oficio para aquelas persoas cuxa resolución de recoñecemento ou de revisión do grao de discapacidade teña lugar a partir do 05/08/2016.
• Expedirase por petición expresa das persoas interesadas ou por quen teña a súa representación, nos seguintes supostos:

a) As que teñan recoñecido un grao de discapacidade, xa sexa de carácter definitivo ou provisional, igual ou superior ao 33% con data anterior ó día 05/08/2016. No caso de ter en curso unha solicitude de revisión do grao de discapacidade, a tarxeta acreditativa expedirase de oficio.

b) Nos casos de perda ou substracción (achegarase copia da denuncia presentada ante a autoridade competente)

Lugar de presentación de solicitudes:

• Preferentemente por vía electrónica a través da sede electrónica da Xunta de Galicia (http://sede.xunta.es), incluído o sistema de usuario e clave Chave365 (https://sede.xunta.es/chave365).
• Opcionalmente tamén se poderán presentar o formulario de solicitude en soporte papel

Máis información:

• Na sede electrónica da Xunta de Galicia
• Servizos Sociais Comunitarios Básicos do Concello de Rianxo

Orde do 20 de xullo de 2016 pola que se crea a tarxeta acreditativa do grao de discapacidade e se regula o procedemento para a súa obtención