- XENIA: Proxecto de acollida para familiares de persoas hospitalizadas - Concello de Rianxo

O proxecto XENIA ofrece un espazo de acollida e encontro para os familiares que acompañan a persoas hospitalizadas  en media/longa estancia no Complexo Hospitalario Universitario de Santiago de Compostela (CHUS) así como a persoas que reciben tratamentos ambulatorios que provocan efectos secundarios agresivos e carecen de rede familiar ou social de apoio nas primeiras horas.

O dito servizo de acollida conta cun piso situado nas proximidades do CHUS que dispón de dous dormitorios e que poderán usar pacientes ou acompañantes destes, que residan a  máis de 15 km de distancia do hospital.

Este proxecto coordínase por Cáritas Parroquial do Milladoiro e conta coa colaboración de Cáritas Diocesana de Santiago de Compostela e a Capellanía do CHUS.

Máis información:

• Servizos Sociais Comunitarios Básicos do Concello de Rianxo
• Cáritas Parroquial do Milladoiro (Ames): 678 512 276
• Capellanía do CHUS: 629 492 458