Novas

V Encontro de irmandades de Guadalupe

2014-08-30T11:30:04Z

A Asociación "A Moreniña" de Rianxo, coa colaboración do Concello de Rianxo e a Deputación da Coruña, celebra o V Encontro de santuarios, confrarías e irmandades, de Sª Mª de Guadalupe en Rianxo, do sábado 13 ao luns 15 de setembro, dentro da programación das Festas da Guadalupe.

No web das festas pódese atopar a programación completa deste encontro.

http://www.guadaluperianxo.org/vencontro

Festas da Guadalupe de Rianxo 2014

2014-08-30T10:14:35Z

Do venres 12 ao venres 19 de setembro Rianxo celebra as Festas da Guadalupe, das que se pode consultar a programación completa no web www.guadaluperianxo.org.

XXII edición da Festa da Xouba de Rianxo

2014-07-16T08:21:21Z

O 25 de xullo terá lugar a vixésimo segunda edición da Festa da Xouba de Rianxo, organizada pola Asociación Rianxeira de Empresarios.

Curso de Introdución ao cultivo in vitro de tecidos vexetais

2014-06-05T09:15:55Z

A Asociación de Desenvolvemento Local Deloa organiza un curso de Introdución ao cultivo in vitro de tecidos vexetais

Título do curso: Introdución ao cultivo in vitro de tecidos vexetais
Duración: 178 horas
Código: AFD 2014/2998
Ubicación: laboratorio de biotecnoloxía vexetal Cultigar (Brión).
Solicitantes: desempreados Licenzados/as Bioloxía, Enxeñeiros/as técnicos agrícolas, FP de grao medio en actividades agrarias, FP de grao superior en análise e control, titulacións equivalentes

Interesados/as en realizar este curso deben PORSE EN CONTACTO DIRECTAMENTE coa Oficina de Emprego de Santiago-Norte (Formación).

Bases en: Asociación Deloa. Escravitude, s/n. 15980 Padrón. Tfn: 981 817 000 deloa@deloa.es

Programa do curso

Actualizadas actas dos plenos municipais ata decembro de 2013

2014-01-31T14:00:20Z

Actualizáronse as actas dos plenos municipais ata o mes de decembro de 2013.

Actas dos plenos municipais

A Mancomunidade Arousa Norte organiza un curso de atención sociosanitaria a domicilio

2014-01-31T12:18:04Z

A Axencia de emprego da Mancomunidade Arousa Norte organiza o curso “Auxiliar de atención sociosanitaria a domicilio”. Está financiado pola Deputación da Coruña no marco do fomento do emprego en igualdade de oportunidades é por elo que vai dirixido principalmente a mulleres desempregadas.

O curso realizarase dende o 10 de febreiro ata o 27 de xuño no Centro Social de Boiro en horario de 9:00 a 14:00h. Contempla un total de 485 horas, das cales 150 h serán prácticas profesionais non laborais.

O curso acolle 15 prazas e darase prioridade a persoas desempregadas, residentes en Arousa Norte, con especial dificultade de inserción laboral e con experiencia profesional relacionada.

O prazo de presentación de solicitudes rematará o luns 3 de febreiro ás 13:30.

http://arousanortemprego.wordpress.com/curso-atencion-sociosanitaria/

Preinscrición nas materias do Segundo Cuadrimestre da UNED SENIOR

2013-12-23T09:58:37Z

Ábrese o prazo de inscrición nas materias do Segundo Cuadrimestre da UNED SÉNIOR Rianxo, ata o 10 de xaneiro.

As materias ofertadas para o Segundo Cuadrimestre, e que se impartirán de acadarse un mínimo número de preinscricións, son as seguintes:

Informática Actual II
Cultura Musical da Galiza
Patrimonio Arquelóxico de Galicia e da Barbanza
Economía Doméstica
Saúde e Nutrición. Coidados preventivos

Horario: 2 horas semanais.
Prezo de matrícula: 50 euros por materia.

Para máis información ou inscrición:

Servizos Sociais: luns a venres de 10 a 14 horas. Estrada de Tanxil, núm. 12. Rianxo. T.E. 981 860 061
Auditorio de Rianxo: de martes a venres de 11.00 a 13.30 horas. Rúa Autores da Rianxeira s/núm. Rianxo. T.E. 981 100 688
Correo electrónico: unedsenior@concelloderianxo.es
En liña: www.rianxo.com/unedsenior/preinscricion

Festa da Patela, I Mostra - Exhaltación da Pesca Artesanal e Marisqueo de Rianxo

2013-12-05T15:07:39Z

Concentración de rexeitamento da violencia de xénero

2013-11-22T14:58:30Z

O domingo 24 de novembro convócase ás 12 do mediodía unha concentración na Praza Castelao de rexeitamento á violencia de xénero, con lectura de textos.

O luns 25, ás 8 do serán, terá lugar outro acto con música en directo tamén na Praza Castelao no que se prenderán velas como mostra de repulsa ás vítimas da violencia machista.

Novos formularios de solicitude dispoñibles en liña

2013-11-08T09:32:57Z

Póñense a disposición pública, en formato electrónico, os seguintes formularios, dispoñibles na sección Trámites > Modelos de instancias

Romaría do San Pedro de Vilas

2013-06-17T13:18:28Z

Exposición fotográfica sobre a Semana Santa

2013-03-20T14:36:06Z

A Irmandade da Paixón de Cristo de Rianxo organiza unha exposición fotográfica con motivo da Semana Santa, xuntando fotografías actuais con outras históricas e algúns obxectos e material da irmandade.

A exposición está dispoñible do 15 de marzo ao 6 de abril no Centro Sociocultural - Auditorio.

Semana Santa 2013

Festas de Brión 2013

2013-03-18T11:27:24Z

Programación das Festas de Brión 2013, na honra á Virxe dos Desamparados.

Sábado 23 de marzo

9.00: Dianas e alboradas pola parroquia a cargo das bandas de gaitas de POIO e BUXAINA de Taragoña.
10.30: Misa parroquial
11.15: Misa na capela
13.15: Misa cantada polo CORO FELISA de Fruime
13.45: Procesión polos sitios de costume. Sesión vermú coa orquestra PALLADIUM.
Pola noite Gran Verbena coas orquestras PALLADIUM e GRAN PARADA.
Gran tirada de fogos artificiais.

Domingo 24 de marzo

Pola mañá gran tirada de fogos artificiais
16.30: Misa na honra da Virxe dos Desamparados. Deseguido baile tradicional a cargo dos grupos MAR DA AROUSA e ALEIVOSÍA, da ASC FOGO FATUO.
Xogos infantís con DIVERNENO. Show de animación cos PALLASOS GOLFIÑO.

Convocatoria de prazas de prácticas na Alemaña do proxecto "La ida" da Fundación Paideia

2013-03-18T10:23:35Z

Para máis información, contactar con natalia.galban@concelloderianxo.es ou no teléfono 981 86 66 63.

Acta do pleno ordinario do mes de outubro de 2012

2012-11-30T14:25:56Z

Ponse a disposición pública a acta da sesión plenaria ordinaria celebrada o 25 de outubro de 2012.

Acta nº17 pleno ordinario de 25.10.2012

Actualización das Actas dos Plenos Municipais

2012-11-21T12:46:52Z

Actualizáronse as Actas dos Plenos Municipais ata o mes de outubro de 2012: http://www.concelloderianxo.es/plenos

Festa de Sacramento e alfombras florais

2012-05-31T08:45:51Z

Un ano máis, os veciños de Rianxo afanaranse na elaboración das alfombras florais para o paso da procesión do santísimo sacramento, ás 7 do serán do domingo 10 de xuño. Á noite haberá verbena amenizada pola orquestra Compostela.

III Seminario sobre a Memoria: A guerrilla e os campos de concentración

2012-06-02T08:46:45Z

Os días 1, 2 e 3 de xuño, celébrase o III Seminario sobre a Memoria nun itinerario entre Melide e Rianxo, coa participación de Barbantia, Nova Escola Galega e os Institutos de Educación Secundaria de Melide e Rianxo.

A convocatoria do Seminario pretende suxerirlles aos asistentes una reflexión sobre o fenómeno da guerrilla que posibilite un mellor coñecemento do noso pasado máis recente. Tal pretensión arela provocar tamén que a actualización dos coñecementos sobre os guerrilleiros contribúa, no alumnado indirectamente beneficiario da reflexión, á comprensión do presente e á adopción dunha actitude responsable e solidaria na defensa da liberdade, sen perder nunca a consciencia de cales son os dereitos e as obrigacións de cadaquén.

As actividades en Rianxo terán lugar o domingo día 3 de xuño entre as 9 da mañá e o acto de clausura do seminario ás 6 da tarde, incluíndo un acto de recepción ás 11.30.

Descarga do programa do seminario

Festas de Santo Antón do Pazo

2012-05-31T08:33:24Z

Do 1 ao 3 de xuño celébranse no lugar do Pazo as festas na honra a Santo Antón. Os tres días de festa estarán repletos de actividades para todas as idades e música popular. A misa de campaña dedicada ao santo terá lugar o domingo 3 á unha do mediodía, xornada tamén dedicada aos xogos inchables para nenos.

As orquestras que amenizarán as verbenas serán:

Cinema e Salsa Rosa
Fania Blanco Show e Océano
Palladium

Cambio da localización do Mercado Ambulante

2012-05-31T08:19:54Z

O mercado ambulante de Rianxo vén de cambiar a súa localización da zona portuaria á alameda da Praza Castelao. As xornadas nas que se celebra seguen a ser os mércores e domingos pola mañá.