Servizos Sociais

Convocatoria das subvencións de concorrencia competitiva para anpas de centros escolares do concello de Rianxo

2026-09-03T09:25:16Z

O prazo de solicitudes comeza ó día seguinte da publicación no BOP e será de 15 días hábiles. Poderáse solicitar no Rexistro Xeral do Concello ou na sede electrónica.

- Bases publicadas

Convocatoria de axudas destinadas á adquisición de dispositivos electrónicos, material escolar, roupa e material deportivo

2026-09-03T07:36:48Z

Publicación das bases no BOP

Prazo e lugar de presentación:

No Rexistro Xeral do Concello ou na sede electrónica durante 15 días hábiles dende o día seguinte á publicación no BOP.

Publicarase o listado de requirimentos o 30/09/2026.

Bono Concilia Familia para a conciliación en situacións puntuais e períodos de vacacións escolares

2026-09-01T09:05:46Z

OBXECTO

Regular a concesión e convocar axudas económicas ás familias con nenos e nenas residentes en Galicia con nenas e nenos nados entre o 1 de xaneiro de 2013 e o 31 de decembro de 2022, para a atención de necesidades de conciliación de carácter puntual ou durante os períodos de vacacións escolares que teñan lugar entre o 1 de xaneiro e o 8 de setembro de 2026.

Para os efectos desta orde, entenderanse como períodos de vacacións escolares os seguintes períodos do ano 2026:

Do 1 ao 7 de xaneiro.

Os días 16, 17 e 18 de febreiro.

Do 30 de marzo ao 6 de abril.

Do 20 de xuño ao 8 de setembro.

PERSOAS BENEFICIARIAS

Os pais/nais e as persoas titoras de nenos e nenas nados entre o 1 de xaneiro de 2013 e o 31 de decembro de 2022, ou as persoas que os/as teñan en situación de acollemento familiar ou garda con fins adoptivos, que residan na Comunidade Autónoma de Galicia.

No suposto de solicitudes por enfermidade ou accidente do neno ou nena e/ou por necesidades en períodos de vacacións escolares, ambos pais/nais, persoas titoras, acolledoras, gardadoras con fins adoptivos, pais/nais con custodia non compartida ou proxenitor de familia monoparental terán que estar traballando. Para os efectos deste punto, as situacións de incapacidade permanente absoluta e gran invalidez equiparanse a esta situación. Nos supostos de custodia compartida, este requisito entenderase referido ao tempo en que esta se exerza efectivamente, acreditando que nese período de tempo lle corresponde a garda e custodia á persoa que solicita esta axuda, debendo presentar, nestes casos, cada pai/nai unha solicitude individual.

ACCIÓNS SUBVENCIONABLES

Para teren dereito ás axudas previstas nesta orde, as familias deberán acreditar encontrarse nun dos seguintes supostos:

a) Supostos de necesidades puntuais:

1. Enfermidade ou accidente do neno ou nena ou da persoa coidadora habitual.

2. Asistencia da persoa coidadora habitual a entrevistas de traballo ou cursos de formación que impidan a atención do neno ou nena.

3. Situacións puntuais de carácter laboral da persoa coidadora habitual que impidan a atención do neno ou nena.

4. Situacións puntuais de coidado de familiares, do neno ou nena ou da persoa coidadora habitual ata o segundo grao de parentesco por consanguinidade ou afinidade, sempre que impidan a atención do neno ou nena por parte da persoa coidadora habitual.

b) Necesidades de conciliación da vida persoal, familiar e laboral en períodos de vacacións escolares que se producen cando os centros educativos están pechados por vacacións sempre que ambos os pais/nais, persoas titoras, acolledoras, gardadoras con fins adoptivos, pais/nais con custodia non compartida ou proxenitor/a de familia monoparental non se poidan facer cargo da atención do neno ou nena por motivos laborais.

GASTOS SUBVENCIONABLES

Os seguintes gastos derivados dos medios empregados para a atención de nenos e nenas nados entre o 1 de xaneiro de 2013 e o 31 de decembro de 2022:

1. Contratación laboral dunha persoa empregada do fogar de forma temporal para o coidado do neno ou nena.

2. Contratación de servizos de atención á infancia a domicilio.

3. Asistencia a servizos de conciliación autorizados pola Consellería de Política Social e Igualdade, en concreto, atención en ludotecas, espazos infantís ou servizos complementarios de atención á infancia previstos na sección quinta do capítulo III do Decreto 329/2005, do 28 de xullo, polo que se regulan os centros de menores e os centros de atención á infancia.

4. Asistencia a campamentos ou outros recursos de conciliación colectivos especificamente organizados por calquera persoa física ou xurídica, pública ou privada para a atención dos nenos e nenas nos períodos de vacacións escolares, exceptuados os recollidos na Orde do 10 de marzo de 2026 pola que se regula a oferta de prazas para actividades xuvenís dentro do programa Campaña de verán 2026 e se procede á súa convocatoria ( BS303A), e calquera outro organizado directa ou indirectamente por calquera Administración pública.

TIPO DE AXUDA, CONTÍA E COMPATIBILIDADE

Consistirá nunha achega que pode acadar un máximo do 100 % do custo das actuacións previstas no apartado anterior no caso de familias numerosas, familias monoparentais, familias acolledoras, familias con garda con fins adoptivos, familias en que un ou varios fillos ou fillas convivintes teñan unha discapacidade recoñecida igual ou superior ao 33 % ou familias vítimas de violencia de xénero, e ata un máximo do 75 % no resto dos casos, sempre cun límite:

De 500 euros por unidade familiar no caso de contratación dunha persoa empregada do fogar ou de servizos de atención á infancia a domicilio.

De 200 euros por cada neno ou nena no caso de asistencia a servizos de conciliación autorizados pola Consellería de Política Social e Igualdade ou a campamentos ou outros recursos de conciliación colectivos especificamente organizados para a atención dos nenos e nenas nos períodos de vacacións escolares.

Cada suposto de conciliación ao que dá cobertura esta orde poderá ser obxecto dunha axuda dentro das dispoñibilidades orzamentarias, pero só se poderá presentar unha única solicitude por neno ou nena, agás nos casos de custodia compartida, e só por un dos tipos de gasto subvencionable.

Compatibilidade:

A percepción destas axudas é compatible con outras subvencións, axudas e ingresos ou recursos para a mesma finalidade, procedentes de calquera outra Administración ou ente público ou privado, sen que poida superarse o custo do servizo recibido.

No caso de percibírense outras axudas deberase acreditar documentalmente a súa natureza e contía, así como calquera circunstancia que poida afectar substancialmente a execución das actuacións. A comunicación deberá efectuarse tan pronto como se coñeza e, en todo caso, con anterioridade á xustificación da aplicación dada aos fondos percibidos.

DOCUMENTACIÓN

Solicitude tramitación en liña BS412A dirixida ao departamento territorial da Consellería de Política Social e Igualdade da provincia onde teñan o seu domicilio.

Documentación xeral:

Copia do/dos libro/s de familia ou, no seu defecto, outro documento que acredite oficialmente a situación familiar.

Copia da resolución xudicial, libro de familia ou certificado do Rexistro Civil en que conste a adopción ou certificado administrativo da garda con fins adoptivos, cando se trate de adopcións formalizadas por outra comunidade autónoma.

Copia da resolución xudicial ou administrativa que declare a situación de tutela, de ser o caso, só cando se trate de tutelas formalizadas por outra comunidade autónoma.

Copia da resolución administrativa de acollemento familiar, de ser o caso, cando se trate de acollementos formalizados por outra comunidade autónoma.

Certificado de monoparentalidade, de ser o caso, cando fose expedida por outra comunidade autónoma.

Sentenza de separación ou divorcio, convenio regulador ou resolución de medidas paterno-filiais, nos casos de familias con custodia compartida ou formadas por unha soa persoa proxenitora como consecuencia de separación legal, divorcio ou outras situacións análogas.

Copia do título de familia numerosa cando fose expedido por outra comunidade autónoma.

Certificado do grao de discapacidade do fillo ou filla conviventes cando fose expedido por outra comunidade autónoma.

Acreditación da solicitante, de ser o caso, da condición de muller vítima de violencia de xénero mediante calquera dos seguintes documentos:

Certificación da orde de protección ou da medida cautelar, ou testemuño ou copia da propia orde de protección ou da medida cautelar autenticada polo letrado ou letrada da Administración de xustiza.

Sentenza de calquera orde xurisdicional que declare que a muller sufriu violencia en calquera das modalidades definidas na Lei 11/2007, do 27 de xullo, galega para a prevención e o tratamento integral da violencia de xénero.

Certificación e/ou informe dos servizos sociais e/ou sanitarios da Administración pública autonómica ou local.

Certificación dos servizos de acollida da Administración pública autonómica ou local.

Informe do Ministerio Fiscal que indique a existencia de indicios de violencia de xénero.

Informe da Inspección de Traballo e Seguridade Social.

Informe das forzas e corpos de seguridade que indique a existencia de indicios claros de trata de seres humanos con fins de explotación sexual.

Certificado de afiliación a Mutualidad General Judicial (MUXEXU) ou Instituto Social de las Fuerzas Armadas (ISFAS) da persoa solicitante e da persoa cónxuxe ou parella, de ser o caso.

Documentación acreditativa da causa que dá dereito á axuda:

Xustificante médico acreditativo da situación de enfermidade ou accidente do neno ou nena ou da persoa coidadora habitual, de ser o caso.

Documento acreditativo da asistencia á entrevista ou curso no que conste expresamente a data e horas da súa celebración, no caso de asistencia da persoa coidadora habitual a entrevistas de traballo ou cursos de formación.

Se é o caso, xustificante médico acreditativo da situación que dá lugar á necesidade de coidado, e documentación acreditativa do parentesco co neno ou nena ou coa persoa coidadora habitual.

Se é o caso, resolución da declaración de incapacidade permanente absoluta ou gran invalidez

En caso de situacións puntuais de carácter laboral da persoa coidadora habitual, declaración responsable do/da solicitante coa descrición breve da situación e indicación da súa duración.

Documentación específica acreditativa da actuación realizada:

No caso de contratación de servizos de atención a domicilio, de servizos de conciliación autorizados pola Consellería de Política Social e Igualdade ou de recursos de conciliación colectivos especificamente organizados para a atención dos nenos e nenas nos períodos de vacacións escolares, achegaranse:

Facturas (ou documentos de valor probatorio equivalente), dos gastos realizados, onde consten expresamente a identificación co nome, apelidos e documento nacional de identidade (DNI)/número de identidade de estranxeiro (NIE) da persoa que figure como solicitante da axuda no anexo I, e do/dos neno/s ou nena/s que recibe/n o servizo e o/os día/s en que se prestou.

Xustificantes que acrediten o pagamento da factura:

Para pagamentos iguais ou superiores a 1.000 euros, xustificante bancario.

Para pagamentos inferiores a 1.000 euros, xustificante bancario ou facturas/documentos de valor probatorio equivalente debidamente asinadas e seladas pola empresa que conteñan a palabra «pagado».

No caso de contratación dunha persoa empregada do fogar achegarase:

Contrato de traballo onde consten expresamente o período de contratación, o seu obxecto como coidado de menores e o intervalo horario en que se presta o servizo.

Xustificantes bancarios do pagamento do salario e das cotas da Seguridade Social.

PRAZO

Un mes, que comezará ás 9.00 horas do día 9 de setembro de 2026 e finalizará o día 9 de outubro de 2026 ás 14:00 horas.

Estas axudas tramitaranse baixo o réxime de concorrencia non competitiva, ata o esgotamento do crédito asignado.

Respiro familiar para coidadores/as de persoas con dependencia ou discapacidade

2026-08-11T07:08:31Z

TIPO DE AXUDA
Axudas económicas para contribuír ao pagamento de servizos de atención a persoas dependentes ou con
discapacidade, para facilitar a conciliación da vida persoal, familiar e laboral das persoas coidadoras.

PERSOAS BENEFICIARIAS
Persoas coidadoras habituais non profesionais que atendan de forma continuada unha ou máis persoas dependentes, con discapacidade ou en situación de necesidade de axuda de terceiras persoas.

REQUISITOS DA PERSOA COIDADORA

Que atenda a unha persoa que presente calquera das seguintes situacións:

Ter recoñecida unha situación de dependencia en grao II ou III.
Ter recoñecida unha discapacidade en grao igual ou superior ao 75 %, e necesite axuda de terceiras persoas para as actividades da vida diaria.
Que a persoa á que se atende presente unha situación de necesidade acreditada de axuda de terceiras persoas para as actividades da vida diaria.
Que a persoa coidadora e a persoa ou persoas que se atenda sexan residentes en Galicia.

MODALIDADES E CONTÍA

RESPIRO NO FOGAR: para financiar o pago de servizos de atención puntual e directa no propio fogar, por espazos de tempo definidos e non moi longos. Comprenderá coidados persoais e de acompañamento que necesita a persoa que se vai atender. A achega económica pode acadar o 100% do custo, cun máximo de 1.000 € por persoa beneficiaria/ano. O servizo poderá prestarse por unha entidade do Servizo de Axuda no Fogar autorizada e inscrita no RUEPSS ou por profesional con formación específica e contratado directamente pola persoa coidadora solicitante da subvención.
RESPIRO EN RESIDENCIA: para financiar estadías temporais nun centro residencial inscrito no RUEPSS. A achega poderá acadar o 100% do custo, cun máximo de 1.500 € por persoa beneficiaria/ano.
RESPIRO EN CENTRO DE DÍA: para financiar os gastos da atención puntual, integral e directa en centros de día da Comunidade Autónoma de Galicia. A axuda consistirá nunha achega que pode acadar ata o 100% do custo das actuacións subvencionables, cun máximo de 1.000 euros por persoa beneficiaria/ano. O servizo deberá ser prestado por unha entidade autorizada como centro de día, inscrita no RUEPSS e que conte coa autorización correspondente para a prestación deste servizo.

As persoas coidadoras solicitantes da subvención, aboarán o importe total dos servizos e o pago da
axuda farase efectiva unha vez que se presente a documentación xustificativa correspondente.

LUGAR DE PRESENTACIÓN: Preferentemente por vía electrónica a través da sede electrónica da Xunta
de Galicia (https ://sede.xunta.es )

PRAZO DE SOLICITUDE: ata o 15 de outubro de 2026

MÁIS INFORMACIÓN:

Sede electrónica da Xunta de Galicia (https ://sede.xunta. gal ) e (http://politicasocial.xunta.gal)
Servizos Sociais Comunitarios Básicos do Concello de Rianxo.
Servizo de Prevención da Dependencia: 981 544 640
Sitios web do Concello de Rianxo (https://concelloderianxo.gal)

Servizo Rianxo Madruga. Curso 2026-2027

2026-09-09T06:34:18Z

O prazo para presentar as solicitudes ábrese hoxe 22 de xullo ata o 14 de agosto de 2026. As solicitudes presentaranse no Rexistro Xeral do Concello ou na sede electrónica mediante formulario dispoñible para tal fin.

Nas vindeiras semanas publicarase o prezo público deste servizo.

Máis información:

- Resolución de Alcaldía

- Bases e calendario

- Solicitude

Con data 20/08/2026 publícase o listado provisional de solicitudes admitidas e excluídas:

- Listado solicitudes admitidas e excluídas

É imprescindible presentar a documentación correspondente.

Listado definitivo de solicitudes admitidas e excluídas.

O servizo comezará na data e horario correspondentes.

Publicación no Boletín Oficial da Provincia do prezo público aprobado en Xunta de Goberno Local con data 03/09/26.

POS+ADICIONAL Gastos Sociais Extraordinarios. Ano 2026

2026-05-21T12:59:54Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 82.456,46€.

A cantidade do POS+Adicional 1/2026 aprobada para os gastos sociais extraordinarios do exercicio 2026 é a seguinte:

EXPEDIENTE	TIPOLOXIA DO GASTO	IMPORTE
2026000001247	GASTO CORRENTE: Tipoloxías: a, b, c, d, e, f, g, h	66.181,34 €
2026000001248	INVESTIMENTO: Tipoloxía i: Equipamento técnico asistencial	1.887,12 €
2026000001331	INVESTIMENTO: Tipoloxía j: Equipamento servizos sociais	14.388,00 €
	TOTAL ACHEGA APROBADA	82.456,46 €

Colaboración no financiamento dos Servizos Sociais

2026-04-14T11:55:03Z

A Deputación da Coruña publicou no BOP núm. 48 do 12 de marzo de 2026, a resolución pola que aproba a concesión definitiva de subvencións correspondente ao programa FOPPSS: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2026.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp: 2025000045807
MÓDULO	MÓDULO SUBVENCIONADO	ACHEGA MÁX.
I	Persoal administrativo grupo C1 ou C2	18.000,00 €****
II	Persoal técnico A2	22.000,00 €
IV	Persoal auxiliar SAF libre concorrencia - Horas concedidas 4.000,00	56.000,00 €
TOTAL		96.000,00 €

Oficina móbil de atención ás persoas emigrantes retornadas

2026-03-10T13:07:43Z

A Secretaría Xeral de Emigración está a levar adiante o programa " Galicia Retorna 2023-2026", co obxectivo de promover a inclusión e integración da poboación emigrante retornada e os seus familiares en todo o territorio galego.

Así, a empresa Silman 9, SLU será a encargada do desenvolvemento do programa, mediante unha unidade móbil que percorrerás as zonas rurais e todas aquelas poboación que non dispoñen de oficina física.

Este servizo consiste na información e asesoramento ás persoas destinatarias dos principais trámites administrativos anteriores e posteriores ao retorno, asistencia sanitaria, orientación laboral, formación, prestacións, subvencións e axudas, e todos aqueles outros nos que sexa preciso.

En Rianxo a oficina móbil está prevista para o día 08-04-2026 en horario de 09:00h a 14:00h

É aconsellable pedir cita previa:

Teléfono: 900 102 380
No seguinte enderezo web: https://emigracion.xunta.gal/es/actividad/retorna/oficina-movil-cita-previa

Xuntos polo Nadal

2025-11-14T13:40:33Z

A Consellería de Política Social e Xuventude, a través da Dirección Xeral de Maiores e Persoas con Discapacidade organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.

O programa levarase a cabo na Residencia de Tempo Libre de Panxón, en Nigrán (Pontevedra) entre o día 23 de decembro e o día 7 de xaneiro de 2026, en tres quendas diferentes, das que só se poderá elixir unha:

23 de decembro de 2025 ao 7 de xaneiro de 2026 (16 días)
23 ao 30 de decembro de 2025 (8 días)
31 de decembro de 2025 ao 7 de xaneiro de 2026 (8 días)

O programa comprende os seguintes servizos:

Estancia na residencia durante 16 días (15 noites) ou 8 días (7 noites).
Aloxamento en habitacións compartidas e manutención en réxime de pensión completa. O aloxamento en cuartos individuais terá carácter EXCEPCIONAL, previo informe médico que acredite a súa necesidade.
Desprazamento en autobús dende Santiago de Compostela ata a Residencia de Tempo Libre do Carballiño e viceversa.
Actividades de animación sociocultural.

Requisitos:

Ter 60 anos, cumpridos no momento en que remate o prazo de presentación de solicitudes.
Estar empadroado nalgún concello galego.
Vivir so no seu domicilio e ter que pasar só/a as datas do Nadal.
Valerse por si mesmo e non padecer enfermidade transmisible con risco de contaxio, nin trastornos mentais ou de conduta, que poidan alterar a convivencia durante o transcurso da estadía.
Recoméndase estar vacinado fronte a COVID-19 e a GRIPE segundo o calendario sanitario vixente.

Daráselle preferencia ás persoas que perdesen o seu cónxuxe ou persoa coa que convivisen nos últimos dous anos, os de maior idade e os que non participasen neste programa con anterioridade.

Prezo:

As persoas participantes asistirán de forma gratuíta, agás os gastos de desprazamento ata o lugar de recollida do autobús e viceversa.

Prazo:

Ata o día 26 de novembro de 2025

Máis información:

Servizos Sociais Comunitarios Básicos do Concello de Rianxo (Estrada de Tanxil, 12. Telf. 981 86 00 61 )
Departamentos de Traballo Social dos Centros de Saúde ou Hospitais.
Teléfono Social: 900 333 666 (gratuíto)
No seguinte enderezo web: http://politicasocial.xunta.gal/web/portal/portada

SOLICITUDE

DECLARACIÓN RESPONSABLE

Servizo de Atención Temperá

2025-10-23T12:07:05Z

Este servizo ten como obxectivo promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorna, co fin de facilitar a súa autonomía persoal e a dita inclusión.

Os motivos de demanda que atendemos na actualidade responden a seis bloques:

- Linguaxe: dificultades vinculadas a trastornos fonolóxicos, trastornos da comunicación social, trastorno expresivo da linguaxe e dislalias.

- Cognitiva: nesta área, enmárcanse as necesidades vinculadas a unha baixa capacitación intelectual, dificultades na coherencia central, inflexibilidade cognitiva e planificación.

- Funcións executivas: céntranse na atención e memoria.

- Psicolóxico: trabállanse as dificultades para asumir roles de autoridade, o baixo autoconcepto, autoestima e a tolerancia á frustración.

- Psicomotricidade: abórdanse problemas vinculados ao desenvolvemento motor, a adquisición de pinza dixital e a psicomotricidade grosa.

- Adaptativo: necesidades relacionadas co traballo autónomo, a adquisición de actitudes proactivas cara á vida ou a comprensión de riscos vitais.

Este servizo está situado no Pazo de Rianxiño no seguinte horario:

Horario:

Luns 7:00 - 15:00

Martes 8:00 - 14:00 / 16:00 - 18:00

Mércores 7:00 - 15:00

Xoves 7:00 - 14:00

Venres 8:00 - 13:00 / 16:00 - 18:00

Contacto:

- Atención telefónica: 695449512

- Correo electrónico: atenciontempera@concelloderianxo.gal

Axudas destinadas á adquisición de dispositivos electrónicos, material escolar e roupa e material deportivo para o curso 2025-2026.

2025-09-25T09:37:13Z

Hoxe sae publicado no BOP o anuncio do extracto da convocatoria e aprobación das bases destas axudas. Polo tanto o prazo de solicitude comeza mañá 29/08/25 ata o 18/09/25. Poderánse presentar as solicitudes por sede electrónica do concello ou no Rexistro Xeral.

Con data 24/09/25 publicarase o listado de requerimentos daquelas solicitudes ás que lle falte documentación ou teñan algún erro.

LISTADO DE REQUERIMENTOS

Solicitude

Anexo II (Declaración de obrigas)

Anexo III (Xustificante de aluguer)

Anexo IV (Xustificante de hipoteca)

Publicación no BOP

BASES DA CONVOCATORIA

BASES DA CONVOCATORIA (castelán)

Servizo Rianxo Madruga. Curso 2025-2026

2025-09-05T11:40:26Z

O prazo para presentar as solicitudes ábrese o vindeiro luns 28 de xullo ata o 14 de agosto de 2025. As solicitudes presentaranse no Rexistro Xeral do Concello ou na sede electrónica mediante formulario dispoñible para tal fin.

Nas vindeiras semanas publicarase o prezo público deste servizo.

Con data 21/08/25 publicase o listado provisional de solicitudes admitidas e excluídas. Todas as persoas solicitantes deberán presentar a seguinte documentación a través da Sede Electrónica ou do Rexistro Xeral:

- Certificado Código IBAN

- Modelo oficial da solicitude de domiciliación de recibos. "Outros" poñer Rianxo Madruga.

Con data 05/09/25 publicase o listado definitivo de solicitudes admitidas e excluídas.

Máis información:

Listado definitivo de solicitudes admitidas e excluídas.

Listado provisional de solicitudes admitidas e excluídas.

Resolución de Alcaldía

Bases e calendario

Solicitude

POS+ ADICIONAL Gastos Sociais Extraordinarios. Ano 2025

2025-06-10T06:35:55Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 72.359,35€.

Respiro familiar para coidadores/as de persoas con dependencia ou discapacidade

2025-05-21T07:40:18Z

PERSOAS BENEFICIARIAS
Persoas coidadoras habituais non profesionais que atendan de forma continuada a persoas dependentes,
con discapacidade ou en situación de necesidade de axuda de terceiras persoas.

REQUISITOS DA PERSOA COIDADORA

Que atenda a unha persoa que presente calquera das seguintes situacións:

Ter recoñecida unha situación de dependencia en grao II ou III.
Ter recoñecida unha discapacidade en grao igual ou superior ao 75 %, con necesidade de axuda de terceiras persoas.
Que a persoa á que se atende presente unha situación de necesidade acreditada de axuda de terceiras persoas para as actividades da vida diaria.

Que ben a persoa coidadora ou a persoa á que se atende resida en Galicia.

MODALIDADES E CONTÍA

RESPIRO NO FOGAR: para financiar o pago de servizos de atención puntual e directa no propio fogar, por espazos de tempo definidos e non moi longos. Comprenderá coidados persoais e de acompañamento que necesita a persoa que se vai atender. A achega económica pode acadar o 100% do custo, cun máximo de 1.000 € por persoa beneficiaria/ano. O servizo poderá prestarse por unha entidade do Servizo de Axuda no Fogar autorizada e inscrita no RUEPSS ou por profesional con formación específica e contratado directamente pola persoa coidadora solicitante da subvención.
RESPIRO EN RESIDENCIA: para financiar estadías temporais en centros residenciais de Galicia. A achega poderá acadar o 100% do custo, cun máximo de 1.500 € por persoa beneficiaria/ano.
RESPIRO EN CENTRO DE DÍA: para financiar os gastos da atención puntual, integral e directa en centros de día da Comunidade Autónoma de Galicia. A axuda consistirá nunha achega que pode acadar ata o 100% do custo das actuacións subvencionables, cun máximo de 1.000 euros por persoa beneficiaria/ano. O servizo deberá ser prestado por unha entidade autorizada como centro de día, inscrita no RUEPSS e que conte coa autorización correspondente para a prestación deste servizo.

As persoas coidadoras solicitantes da subvención, aboarán o importe total dos servizos e o pago da
axuda farase efectiva unha vez que se presente a documentación xustificativa correspondente.

LUGAR DE PRESENTACIÓN: Preferentemente por vía electrónica a través da sede electrónica da Xunta
de Galicia (https ://sede.xunta.es )

PRAZO DE SOLICITUDE: ata o 15 de outubro de 2025

MÁIS INFORMACIÓN:

Sede electrónica da Xunta de Galicia (https ://sede.xunta. gal ) e (http://politicasocial.xunta.gal)
Servizos Sociais Comunitarios Básicos do Concello de Rianxo.
Servizo de Prevención da Dependencia: 981 544 640
Sitios web do Concello de Rianxo (https://concelloderianxo.gal)

Estadías para familias en residencias de tempo libre

2025-05-07T12:14:04Z

A Consellería de Política Social e Igualdade convoca o procedemento de adxudicación de estadías e servizos nas residencias de tempo libre adscritas a esta consellería no ano 2025.

Este programa destinado o desfrute do lecer das familias e posibilitar o acceso de familias a un período vacacional, levarase a cabo na Residencia de Tempo Libre do Carballiño (Ourense) e Panxón-Nigrán (Pontevedra).

As estadías comprenderán:

Aloxamento en réxime de pensión completa durante a quenda adxudicada.
Servizo de aloxamento que inclúe a limpeza diaria.

PERSOAS BENEFICIARIAS:

Poderán ser beneficiarias todas as persoas integrantes dunha unidade familiar que teñan a súa residencia en territorio español. Igualmente, poderán acollerse a esta orde os galegos e galegas residentes no exterior.
Non se valorarán as solicitudes que inclúan persoas que gozasen dalgunha quenda na mesma residencia nalgunha das dúas convocatorias anteriores, salvo que existan prazas vacantes na quenda solicitada.

LUGAR DE PRESENTACIÓN:

- As solicitude presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia

PRAZO: ata o 21 de maio

MÁIS INFORMACIÓN:

Sede electrónica da Xunta de Galicia (https ://sede.xunta. gal )
Servizos Sociais Comunitarios Básicos do Concello de Rianxo.
Sitios web do Concello de Rianxo (https://concelloderianxo.gal)

Colaboración no financiamento dos Servizos Sociais

2025-04-03T06:48:27Z

A Deputación da Coruña publicou no BOP núm. 30 do 9 de febreiro de 2024, a resolución pola que aproba a concesión definitiva de subvencións correspondente ao programa FOPPSS/2024: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2024.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp. 2023000040514
MÓDULO	MÓDULO SUBVENCIONADO	ACHEGA
I	Persoal administrativo grupo C1 ou C2 (90%)	16.200,00 €
II	Persoal técnico A2	22.000,00 €
III	Persoal técnico A1	26.000,00 €
IV	Persoal auxiliar SAF libre concorrencia - Horas concedidas 7.200,00	86.400,00 €
	TOTAL	150.600,00 €

POS+ ADICIONAL Gastos Sociais Extraordinarios. Ano 2024

2025-03-28T13:55:17Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 64.793,40€.

POS+ ADICIONAL Gastos Sociais Extraordinarios. Ano 2024

2025-03-28T13:52:59Z

A Deputación da Coruña aprobou o financiamento de Axudas Técnicas por importe de 8.000€.

Colaboración no financiamento dos Servizos Sociais

2025-03-27T08:05:47Z

A Deputación da Coruña publicou no BOP núm. 59 do 27 de marzo de 2025, a resolución pola que aproba a concesión definitiva de subvencións correspondente ao programa FOPPSS/2025: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2025.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp.2024000046788
MÓDULO	MÓDULO SUBVENCIONADO	ACHEGA
I	Persoal administrativo grupo C1 ou C2	18.000,00 €
II	Persoal técnico A2	22.000,00 €
III	Persoal técnico A1	0,00 €
IV	Persoal auxiliar SAF libre concorrencia - Horas concedidas 4.000,00	56.000,00 €
	TOTAL	96.000,00 €

Club de saúde de Rianxo

2025-03-14T13:57:37Z

O Concello de Rianxo xunto a Asociación Española Contra o Cancro organizan o Club de Saúde de Rianxo. Esta iniciativa busca mellor a saúde integral- emocional, física e social- das persoas nas contornas rurais, ofrecendo ferramentas para fomentar un maior benestar.

Persoas Participantes: Esta dirixido a persoas con cancro, superviventes ou familiares.

Lugar: Centro de Saúde Rianxo

Datas: todos os xoves dende o 3 de abril de 2025

Horario: de 17:00 a 18:30

As prazas son limitadas e a inscrición é gratuíta.

Información e inscrición:

- Nos Servizos Sociais Comunitarios do Concello de Rianxo ( Ctra. de Tanxil, 12 // Telf: 981860061)

- Teléfono: 900 100 036