Concello de Rianxo

Andaina As Tres Cruces - Goza do Ulla 2026

2026-09-04T11:06:39Z

O programa Goza do Ulla 2026 acolle un total de 19 rutas que percorren os 20 concellos bañados polo río Ulla. O vindeiro 27 de setembro o Concello de Rianxo organiza a andaina “As Tres Cruces”.

Un percorrido circular con inicio e remate na escola unitaria de Quintáns. Ao longo dos aproximadamente 12 quilómetros recorrese a contorna da desembocadura do Río Ulla e do Montes das Cercas.

Información da andaina:

Actividade de balde.
Data: Domingo, 27 de setembro.
Hora de inicio: 09:30 h.
Lugar de inicio e remate: Escolas de Quintáns (Isorna) 42°40'03.9"N 8°44'27.8"W https://maps.app.goo.gl/ujnn9dRWUAj2yaCf6?g_st=iw
Duración (aprox.): Entre 3,5 e 4 horas, segundo o ritmo.
Distancia (aprox.): 12 Km
Mascotas: Non está permitido levar animais durante o percorrido desta actividade.

A inscrición na actividade supón a autorización para a realización e difusión de imaxes por parte da organización.

Inscricións:
Ata o xoves 24 de setembro ás 23:59 h.

Preme aquí para acceder ao formulario de inscrición.

Mais Información:

Rianxo: Telf.: 981 866 381/ 661 247 136. Correo-e: deportes@concelloderianxo.gal

Convocatoria das subvencións de concorrencia competitiva para anpas de centros escolares do concello de Rianxo

2026-09-03T09:25:16Z

O prazo de solicitudes comeza ó día seguinte da publicación no BOP e será de 15 días hábiles. Poderáse solicitar no Rexistro Xeral do Concello ou na sede electrónica.

Convocatoria de axudas destinadas á adquisición de dispositivos electrónicos, material escolar, roupa e material deportivo

2026-09-03T07:36:48Z

Publicación das bases no BOP

Prazo e lugar de presentación:

No Rexistro Xeral do Concello ou na sede electrónica durante 15 días hábiles dende o día seguinte á publicación no BOP.

Publicarase o listado de requirimentos o 30/09/2026.

Certame de habaneras

2026-09-02T10:59:23Z

Certame de habaneras, coas actuacións da Coral Mar de Ardora de Carnota, Coral Polifónica de Noia e a Coral Polifónica Abraira de Asados Rianxo. Organizado polo Centro Cultural Simón Varela de Asados.

DÍA: sábado 12 de setembro
HORA: 20.00 h
LUGAR: sala Arcos Moldes do Auditorio de Rianxo

Festas da Guadalupe

2026-09-02T10:49:02Z

Festas da Guadalupe, Do 11 ao 18 de setembro.

Máis información no enlace

Bono Concilia Familia para a conciliación en situacións puntuais e períodos de vacacións escolares

2026-09-01T09:05:46Z

OBXECTO

Regular a concesión e convocar axudas económicas ás familias con nenos e nenas residentes en Galicia con nenas e nenos nados entre o 1 de xaneiro de 2013 e o 31 de decembro de 2022, para a atención de necesidades de conciliación de carácter puntual ou durante os períodos de vacacións escolares que teñan lugar entre o 1 de xaneiro e o 8 de setembro de 2026.

Para os efectos desta orde, entenderanse como períodos de vacacións escolares os seguintes períodos do ano 2026:

Do 1 ao 7 de xaneiro.

Os días 16, 17 e 18 de febreiro.

Do 30 de marzo ao 6 de abril.

Do 20 de xuño ao 8 de setembro.

PERSOAS BENEFICIARIAS

Os pais/nais e as persoas titoras de nenos e nenas nados entre o 1 de xaneiro de 2013 e o 31 de decembro de 2022, ou as persoas que os/as teñan en situación de acollemento familiar ou garda con fins adoptivos, que residan na Comunidade Autónoma de Galicia.

No suposto de solicitudes por enfermidade ou accidente do neno ou nena e/ou por necesidades en períodos de vacacións escolares, ambos pais/nais, persoas titoras, acolledoras, gardadoras con fins adoptivos, pais/nais con custodia non compartida ou proxenitor de familia monoparental terán que estar traballando. Para os efectos deste punto, as situacións de incapacidade permanente absoluta e gran invalidez equiparanse a esta situación. Nos supostos de custodia compartida, este requisito entenderase referido ao tempo en que esta se exerza efectivamente, acreditando que nese período de tempo lle corresponde a garda e custodia á persoa que solicita esta axuda, debendo presentar, nestes casos, cada pai/nai unha solicitude individual.

ACCIÓNS SUBVENCIONABLES

Para teren dereito ás axudas previstas nesta orde, as familias deberán acreditar encontrarse nun dos seguintes supostos:

a) Supostos de necesidades puntuais:

1. Enfermidade ou accidente do neno ou nena ou da persoa coidadora habitual.

2. Asistencia da persoa coidadora habitual a entrevistas de traballo ou cursos de formación que impidan a atención do neno ou nena.

3. Situacións puntuais de carácter laboral da persoa coidadora habitual que impidan a atención do neno ou nena.

4. Situacións puntuais de coidado de familiares, do neno ou nena ou da persoa coidadora habitual ata o segundo grao de parentesco por consanguinidade ou afinidade, sempre que impidan a atención do neno ou nena por parte da persoa coidadora habitual.

b) Necesidades de conciliación da vida persoal, familiar e laboral en períodos de vacacións escolares que se producen cando os centros educativos están pechados por vacacións sempre que ambos os pais/nais, persoas titoras, acolledoras, gardadoras con fins adoptivos, pais/nais con custodia non compartida ou proxenitor/a de familia monoparental non se poidan facer cargo da atención do neno ou nena por motivos laborais.

GASTOS SUBVENCIONABLES

Os seguintes gastos derivados dos medios empregados para a atención de nenos e nenas nados entre o 1 de xaneiro de 2013 e o 31 de decembro de 2022:

1. Contratación laboral dunha persoa empregada do fogar de forma temporal para o coidado do neno ou nena.

2. Contratación de servizos de atención á infancia a domicilio.

3. Asistencia a servizos de conciliación autorizados pola Consellería de Política Social e Igualdade, en concreto, atención en ludotecas, espazos infantís ou servizos complementarios de atención á infancia previstos na sección quinta do capítulo III do Decreto 329/2005, do 28 de xullo, polo que se regulan os centros de menores e os centros de atención á infancia.

4. Asistencia a campamentos ou outros recursos de conciliación colectivos especificamente organizados por calquera persoa física ou xurídica, pública ou privada para a atención dos nenos e nenas nos períodos de vacacións escolares, exceptuados os recollidos na Orde do 10 de marzo de 2026 pola que se regula a oferta de prazas para actividades xuvenís dentro do programa Campaña de verán 2026 e se procede á súa convocatoria ( BS303A), e calquera outro organizado directa ou indirectamente por calquera Administración pública.

TIPO DE AXUDA, CONTÍA E COMPATIBILIDADE

Consistirá nunha achega que pode acadar un máximo do 100 % do custo das actuacións previstas no apartado anterior no caso de familias numerosas, familias monoparentais, familias acolledoras, familias con garda con fins adoptivos, familias en que un ou varios fillos ou fillas convivintes teñan unha discapacidade recoñecida igual ou superior ao 33 % ou familias vítimas de violencia de xénero, e ata un máximo do 75 % no resto dos casos, sempre cun límite:

De 500 euros por unidade familiar no caso de contratación dunha persoa empregada do fogar ou de servizos de atención á infancia a domicilio.

De 200 euros por cada neno ou nena no caso de asistencia a servizos de conciliación autorizados pola Consellería de Política Social e Igualdade ou a campamentos ou outros recursos de conciliación colectivos especificamente organizados para a atención dos nenos e nenas nos períodos de vacacións escolares.

Cada suposto de conciliación ao que dá cobertura esta orde poderá ser obxecto dunha axuda dentro das dispoñibilidades orzamentarias, pero só se poderá presentar unha única solicitude por neno ou nena, agás nos casos de custodia compartida, e só por un dos tipos de gasto subvencionable.

Compatibilidade:

A percepción destas axudas é compatible con outras subvencións, axudas e ingresos ou recursos para a mesma finalidade, procedentes de calquera outra Administración ou ente público ou privado, sen que poida superarse o custo do servizo recibido.

No caso de percibírense outras axudas deberase acreditar documentalmente a súa natureza e contía, así como calquera circunstancia que poida afectar substancialmente a execución das actuacións. A comunicación deberá efectuarse tan pronto como se coñeza e, en todo caso, con anterioridade á xustificación da aplicación dada aos fondos percibidos.

DOCUMENTACIÓN

Solicitude tramitación en liña BS412A dirixida ao departamento territorial da Consellería de Política Social e Igualdade da provincia onde teñan o seu domicilio.

Documentación xeral:

Copia do/dos libro/s de familia ou, no seu defecto, outro documento que acredite oficialmente a situación familiar.

Copia da resolución xudicial, libro de familia ou certificado do Rexistro Civil en que conste a adopción ou certificado administrativo da garda con fins adoptivos, cando se trate de adopcións formalizadas por outra comunidade autónoma.

Copia da resolución xudicial ou administrativa que declare a situación de tutela, de ser o caso, só cando se trate de tutelas formalizadas por outra comunidade autónoma.

Copia da resolución administrativa de acollemento familiar, de ser o caso, cando se trate de acollementos formalizados por outra comunidade autónoma.

Certificado de monoparentalidade, de ser o caso, cando fose expedida por outra comunidade autónoma.

Sentenza de separación ou divorcio, convenio regulador ou resolución de medidas paterno-filiais, nos casos de familias con custodia compartida ou formadas por unha soa persoa proxenitora como consecuencia de separación legal, divorcio ou outras situacións análogas.

Copia do título de familia numerosa cando fose expedido por outra comunidade autónoma.

Certificado do grao de discapacidade do fillo ou filla conviventes cando fose expedido por outra comunidade autónoma.

Acreditación da solicitante, de ser o caso, da condición de muller vítima de violencia de xénero mediante calquera dos seguintes documentos:

Certificación da orde de protección ou da medida cautelar, ou testemuño ou copia da propia orde de protección ou da medida cautelar autenticada polo letrado ou letrada da Administración de xustiza.

Sentenza de calquera orde xurisdicional que declare que a muller sufriu violencia en calquera das modalidades definidas na Lei 11/2007, do 27 de xullo, galega para a prevención e o tratamento integral da violencia de xénero.

Certificación e/ou informe dos servizos sociais e/ou sanitarios da Administración pública autonómica ou local.

Certificación dos servizos de acollida da Administración pública autonómica ou local.

Informe do Ministerio Fiscal que indique a existencia de indicios de violencia de xénero.

Informe da Inspección de Traballo e Seguridade Social.

Informe das forzas e corpos de seguridade que indique a existencia de indicios claros de trata de seres humanos con fins de explotación sexual.

Certificado de afiliación a Mutualidad General Judicial (MUXEXU) ou Instituto Social de las Fuerzas Armadas (ISFAS) da persoa solicitante e da persoa cónxuxe ou parella, de ser o caso.

Documentación acreditativa da causa que dá dereito á axuda:

Xustificante médico acreditativo da situación de enfermidade ou accidente do neno ou nena ou da persoa coidadora habitual, de ser o caso.

Documento acreditativo da asistencia á entrevista ou curso no que conste expresamente a data e horas da súa celebración, no caso de asistencia da persoa coidadora habitual a entrevistas de traballo ou cursos de formación.

Se é o caso, xustificante médico acreditativo da situación que dá lugar á necesidade de coidado, e documentación acreditativa do parentesco co neno ou nena ou coa persoa coidadora habitual.

Se é o caso, resolución da declaración de incapacidade permanente absoluta ou gran invalidez

En caso de situacións puntuais de carácter laboral da persoa coidadora habitual, declaración responsable do/da solicitante coa descrición breve da situación e indicación da súa duración.

Documentación específica acreditativa da actuación realizada:

No caso de contratación de servizos de atención a domicilio, de servizos de conciliación autorizados pola Consellería de Política Social e Igualdade ou de recursos de conciliación colectivos especificamente organizados para a atención dos nenos e nenas nos períodos de vacacións escolares, achegaranse:

Facturas (ou documentos de valor probatorio equivalente), dos gastos realizados, onde consten expresamente a identificación co nome, apelidos e documento nacional de identidade (DNI)/número de identidade de estranxeiro (NIE) da persoa que figure como solicitante da axuda no anexo I, e do/dos neno/s ou nena/s que recibe/n o servizo e o/os día/s en que se prestou.

Xustificantes que acrediten o pagamento da factura:

Para pagamentos iguais ou superiores a 1.000 euros, xustificante bancario.

Para pagamentos inferiores a 1.000 euros, xustificante bancario ou facturas/documentos de valor probatorio equivalente debidamente asinadas e seladas pola empresa que conteñan a palabra «pagado».

No caso de contratación dunha persoa empregada do fogar achegarase:

Contrato de traballo onde consten expresamente o período de contratación, o seu obxecto como coidado de menores e o intervalo horario en que se presta o servizo.

Xustificantes bancarios do pagamento do salario e das cotas da Seguridade Social.

PRAZO

Un mes, que comezará ás 9.00 horas do día 9 de setembro de 2026 e finalizará o día 9 de outubro de 2026 ás 14:00 horas.

Estas axudas tramitaranse baixo o réxime de concorrencia non competitiva, ata o esgotamento do crédito asignado.

CónClave do humor: TRASLADO PARA O AUDITORIO

2026-08-26T11:42:29Z

CónClave do humor: TRASLADO PARA O AUDITORIO

O monólogo de Quico Cadaval, previsto para o xoves 27 de agosto ás 22.00 horas, trasládase á Sala Arcos Moldes do Auditorio de Rianxo debido á climatoloxía adversa prevista.

Rede Galega de Oficios Vivos: xornada de cerámica e alfarería

2026-08-25T10:28:20Z

Cerámica e alfarería con O Rulo

A xornada estará dedicada ao oficio tradicional da cerámica e a alfarería, da man da alfarería O Rulo. As persoas participantes coñecerán os materiais, ferramentas e procesos propios deste oficio e poderán achegarse de maneira práctica á elaboración artesanal de pezas cerámicas.

A actividade combinará explicacións, demostracións e práctica, favorecendo a aprendizaxe e a transmisión interxeracional dos saberes tradicionais galegos.

📅 Data: sábado, 17 de outubro
📍 Lugar: Cuartel Vello, Praza Castelao, 218, Rianxo
🕙 Horario: de 10:00 a 14:00 h e de 16:00 a 20:00 h
💶 Participación: gratuíta, con prazas limitadas

A quen vai dirixida? Principalmente a persoas maiores de 55 anos e a mozas e mozos de 16 a 35 anos, aínda que tamén poderán participar persoas de ata 54 anos.
Inscricións: Programa de Voluntariado Interxeracional Rede Galega de Oficios Vivos

XXII Trofeo de fútbol Concello de Rianxo

2026-08-13T10:18:51Z

O campo municipal da Lomba vai acoller o XXII Trofeo de fútbol do Concello de Rianxo o vindeiro 23 de agosto entre as 18 e as 21 h., no que se enfrontan os 3 equipos sénior do CCD Taragoña, a SD Araño e o CD Unión.

Este ano a organización corre a cargo do CCD Taragoña e disputarase en formato triangular. O programa dos partidos é o que segue:

18 h. S.D. Araño vs. C.D. Unión.
19 h. C.C.D. Taragoña vs. S.D. Araño.
20 h. C.C.D. Taragoña vs. C.D. Unión

XI Slalom Concello de Rianxo

2026-08-13T09:13:19Z

A Escudería Rallyactividad Competición organiza, coa colaboración do Concello de Rianxo, o XI SLALOM Concello de Rianxo, putuable para os seguintes Campionatos e Trofeos:

Campionato de Galicia de Slalom.
Copa de Galicia de Slalom.
Copa de Galicia de Agrupacións 1, 2, 3, 4, 5, 6 e 7.
Copa de Galicia de Slalom para Escuderías (debidamente rexistradas e en posesión de licenza de concursante expedida pola F.G. de A.).
Copa de Galicia de Slalom para Debutantes.
Trofeos e Copas de Promoción que designe a F.G.A

O SLALOM desenvolverase o 5 de setembro, sábado, segundo o seguinte programa:

8:35 - 10 h. Verificacións técnicas na Praza de Castelao.
10:45 h. Hora límite presentación dos vehículos no Parque Pechado (Polígono de Té)
11 h. Saída 1º participante na 1ª manga de adestramentos.
A continuación. Saída 1º participante na 2ª manga de adestramentos.
A continuación. Saída 1º participante na 1ª manga oficial.
A continuación. Saída 1º participante na 2ª manga oficial.
A partir das 20:30 h. Entrega de premios na Praza de Castelao

Respiro familiar para coidadores/as de persoas con dependencia ou discapacidade

2026-08-11T07:08:31Z

TIPO DE AXUDA
Axudas económicas para contribuír ao pagamento de servizos de atención a persoas dependentes ou con
discapacidade, para facilitar a conciliación da vida persoal, familiar e laboral das persoas coidadoras.

PERSOAS BENEFICIARIAS
Persoas coidadoras habituais non profesionais que atendan de forma continuada unha ou máis persoas dependentes, con discapacidade ou en situación de necesidade de axuda de terceiras persoas.

REQUISITOS DA PERSOA COIDADORA

Que atenda a unha persoa que presente calquera das seguintes situacións:

Ter recoñecida unha situación de dependencia en grao II ou III.
Ter recoñecida unha discapacidade en grao igual ou superior ao 75 %, e necesite axuda de terceiras persoas para as actividades da vida diaria.
Que a persoa á que se atende presente unha situación de necesidade acreditada de axuda de terceiras persoas para as actividades da vida diaria.
Que a persoa coidadora e a persoa ou persoas que se atenda sexan residentes en Galicia.

MODALIDADES E CONTÍA

RESPIRO NO FOGAR: para financiar o pago de servizos de atención puntual e directa no propio fogar, por espazos de tempo definidos e non moi longos. Comprenderá coidados persoais e de acompañamento que necesita a persoa que se vai atender. A achega económica pode acadar o 100% do custo, cun máximo de 1.000 € por persoa beneficiaria/ano. O servizo poderá prestarse por unha entidade do Servizo de Axuda no Fogar autorizada e inscrita no RUEPSS ou por profesional con formación específica e contratado directamente pola persoa coidadora solicitante da subvención.
RESPIRO EN RESIDENCIA: para financiar estadías temporais nun centro residencial inscrito no RUEPSS. A achega poderá acadar o 100% do custo, cun máximo de 1.500 € por persoa beneficiaria/ano.
RESPIRO EN CENTRO DE DÍA: para financiar os gastos da atención puntual, integral e directa en centros de día da Comunidade Autónoma de Galicia. A axuda consistirá nunha achega que pode acadar ata o 100% do custo das actuacións subvencionables, cun máximo de 1.000 euros por persoa beneficiaria/ano. O servizo deberá ser prestado por unha entidade autorizada como centro de día, inscrita no RUEPSS e que conte coa autorización correspondente para a prestación deste servizo.

As persoas coidadoras solicitantes da subvención, aboarán o importe total dos servizos e o pago da
axuda farase efectiva unha vez que se presente a documentación xustificativa correspondente.

LUGAR DE PRESENTACIÓN: Preferentemente por vía electrónica a través da sede electrónica da Xunta
de Galicia (https ://sede.xunta.es )

PRAZO DE SOLICITUDE: ata o 15 de outubro de 2026

MÁIS INFORMACIÓN:

Sede electrónica da Xunta de Galicia (https ://sede.xunta. gal ) e (http://politicasocial.xunta.gal)
Servizos Sociais Comunitarios Básicos do Concello de Rianxo.
Servizo de Prevención da Dependencia: 981 544 640
Sitios web do Concello de Rianxo (https://concelloderianxo.gal)

Proceso selectivo do progama de emprego 'Xuventude II'

2026-08-10T07:37:32Z

O Concello de Boiro, en colaboración cos concellos de Rianxo e A Pobra do Caramiñal, vén de recibir a notificación da concesión dunha subvención da Consellería de Emprego, Comercio e Emigración para a posta en marcha dun novo programa de formación e emprego Talento Mozo "XUVENTUDE II".

Este proxecto permitirá formar e contratar a 16 alumnos/as-traballadores/as durante un período de 12 meses, combinando formación teórico-práctica con experiencia laboral remunerada.

A acción formativa desenvolverase na especialidade AGAO0208 – Instalación e mantemento de xardíns e zonas verdes, unha cualificación profesional orientada á adquisición de competencias para a instalación, conservación e mantemento de xardíns, parques e zonas verdes, favorecendo así a inserción laboral das persoas participantes.

As persoas interesadas en participar deberán cumprir, entre outros, os seguintes requisitos:

Estar inscritas no Sistema Nacional de Garantía Xuvenil.
Estar en posesión, como mínimo, do título de Graduado en Educación Secundaria Obrigatoria (ESO) ou equivalente.

Nos vindeiros días daranse a coñecer, a través das canles oficiais dos concellos participantes, as bases da convocatoria, os requisitos completos, o procedemento de selección e os prazos de presentación de solicitudes.

Importante: As persoas interesadas en participar no programa deberán comprobar que teñen actualizados os seus datos na Oficina de Emprego. No caso de que sexa necesario realizar algunha modificación na súa situación, titulación, datos de contacto ou calquera outra información relevante para a súa demanda de emprego, deberán acudir á súa Oficina de Emprego antes do inicio do proceso de selección, co fin de garantir que cumpren os requisitos e poden ser incluídas na preselección de candidaturas.

Bases de selección

Bases de selección alumnado (06/08/2026)

Bases de selección para o equipo directivo (07/08/2026)

Convocatoria para o equipo directivo (07/08/2026)

Cartel informativo do obradoiro (10/08/2026)

V Andaina Solidaria en favor do pobo saharauí. Vacacións en Paz 2026

2026-08-07T10:49:45Z

“Solidaridade Galega co Pobo Saharaui”, SOGAPS, coa colaboración do Concello de Rianxo, organiza a “V Andaina Solidaria en favor do pobo saharauí. Vacacións en Paz 2026” , o sábado 22 de agosto de 2026, ás 10 h.

A proba organízase a beneficio de SOGAPS, que recibirá o 100% do recadado a través das inscricións.

Mais información: Bases de organización da andaina
Ligazón para a inscrición en emesports.es: https://eventos.emesports.es/inscripcion/v-andaina-solidaria-en-favor-do-pobo-saharaui-vacacions-en-paz-2026/inscripcion_datos/ ata o 20 de agosto, se ben se aceptarán inscrición na propia Praza de Castelao ata 15 minutos antes da saída.

Ademais de colaborar participando, habilítase unha Fila Cero, na que se pode facer unha doazón da cantidade desexada a través da pasarela de pago ata o xoves 20 de agosto de 2026 ás 00:00 h., e na Praza Castelao o día do evento.

VII Andaina Santa Compaña

2026-08-07T10:21:06Z

A Sociedade Deoprtiva Barbantia Roda organiza unha nova edición da Andaina Santa Compaña 2026, coa colaboración do servizo municipal de deportes e Protección Civil de Rianxo.

Trátase dunha andaina de carácter lúdico recreativo no que ao longo dun percorrido de aproximadamente
8 Km. se realizan representacións e escenas relacionadas coa Santa Compaña.

A inscrición está aberta ata o 12 de agosto, se ben pode pecharse no momento de acadar o límite máximo de participantes (1.600).

Mais información e inscricións na seguinte ligazón:

https://www.rockthesport.com/es/evento/santa-compana-rianxo-2026

Titiriberia 2026

2026-08-07T08:22:55Z

O Festival de Títeres Tradicionais Titiriberia volverá converter Rianxo na capital do teatro de monicreques do 18 ao 23 de agosto. A undécima edición reunirá compañías galegas, doutras comunidades autónomas e de Portugal nun programa con preto de trinta actividades, entre espectáculos, estreas, exposicións e propostas formativas, que se desenvolverán en diferentes espazos do municipio e para todos os públicos.

Organizado pola asociación Morreu o Demo co apoio do Concello de Rianxo, a Xunta de Galicia, a Deputación da Coruña e o INAEM, o festival consolídase como unha das principais citas cos títeres tradicionais.

A programación completa pode consultarse en https://titiriberia.com/titiriberia/edicion-2026/programacion-2026/.

XVII TORNEO INTERNACIONAL DE XADREZ

2026-08-07T06:50:50Z

O pavillón municipal José M. Abuín "Chema" acollerá unha nova edición do Torneo Internacional Concello de Rianxo de Xadrez, coa organización do Club de Xadrez Rianxo.

Bandeira de Traiñeiras Concello de Rianxo

2026-08-07T06:42:19Z

Xornada da Liga Galega de Traiñeiras.
Sábado, 8 de agosto, de 15: 30 h. a 18 h., coa organización do Club de Remo Rianxo e servizo municipal de deportes.

CónClave do humor

2026-08-04T11:20:23Z

CónClave do humor, Ciclo de risas sagradas? os xoves de agosto ás dez da noite.

xoves 06 de agosto. Josito Porto na Praza de Padrón
xoves 13 de agosto. Víctor Fábregas e Jose Blanco na Praza de Padrón
xoves 20 de agosto. Leti da Taberna no Campo de Arriba
xoves 27 de agosto. Quico Cadaval na Praza de Rafael Dieste

Contacontos, A máquina do tempo das científicas a cargo de Trémola Teatro

2026-08-03T10:22:00Z

Contacontos, A máquina do tempo das científicas a cargo de Trémola Teatro, pertencente ao Circuíto en igualdade da Deputación da Coruña.

DÍA: venres 14 de agosto
HORA: 12.00 h
LUGAR: Campo de Arriba de Rianxo

Festa da praia, edisión carnaval de verán

2026-08-03T10:05:08Z

Festa da praia, edisión carnaval de verán. O sábado 08 de agosto na Praia de Tanxil.

Festas de Asados

2026-08-03T09:57:27Z

Festas de Asados, do venres 07 ao domingo 09 de agosto en Asados.

V Festa Gastronómica do Mar en Leiro

2026-08-03T09:47:53Z

V Festa Gastronómica do Mar en Leiro

DÍA: sábado 08 de agosto
HORA: a partir das 12.00 horas
LUGAR: merendeiro da Lomba-Rañó (Leiro)

Encontro: Dende o monte ata a Ría

2026-08-03T09:38:31Z

Encontro: Dende o monte ata a Ría organizado por Ecoloxistas Galiza

DÍA: xoves 06 de agosto
HORA: 20.30 h
LUGAR: salón de actos do Auditorio de Rianxo (primeiro andar)

Concerto Faltriqueira

2026-08-03T09:32:26Z

Concerto Faltriqueira

DÍA: venres 07 de agosto
HORA: 22.00 h
LUGAR: Praza de Rafael Dieste

Ao abeiro do programa Cultura no camiño 2026 da Xunta de Galicia

Espectáculo Máis Saaabor!

2026-07-28T10:22:20Z

Espectáculo Máis Saaabor! de Culturactiva Producións.

DÍA: venres 31 de xullo
HORA: 11.30 h
LUGAR: Campo de Arriba (Rianxo)
PÚBLICO DESTINATARIO: tódolos públicos
DURACIÓN: 70 minutos

Culturactiva S. Coop. Galega e Félix Rodríguez coproducen e presentan o espectáculo Máis Saaabor!, unha proposta cómica, para público infantil e familiar, de creación propia e dirixida por Avelino González en torno ao mundo da gastronomía e a alimentación saudable. Máis Saaabor! mestura música en directo, maxia, humor, moito ritmo e participación do público. Máis Saaabor! é máis música, máis gastronomía, máis maxia e máis ritmo!

Tras o éxito de Saaabor!, estreada en marzo de 2017, Félix Rodríguez e Fran Rei convértense de novo en dous recoñecidos chefs que nos ofrecen un gorentoso, equilibrado e, sobre todo, ben afinado menú: unha comida moi musical para toda a familia. Unha visita cómica ao mundo dos fogóns para promover o achegamento á cociña, a alimentación saudable e o consumo de produtos de proximidade entre o público galego. O food truck de Máis Saaabor! chega á vila, un carro de xantar de grandes dimensións do que xorden infinidade de xogos cómicos, xogos máxicos e unha chea de elementos e trebellos cos que cociñar música. Un menú degustación con propostas dos cinco continentes que deixará a todo o público cun moi bo sabor de boca e ganas de repetir.