Concello de Rianxo

TEATRO, Unha de contos des contados a cargo de Armadanzas Teatro

2026-06-05T10:42:10Z

TEATRO, Unha de contos des contados a cargo de Armadanzas Teatro.

DÍA: domingo 14 de xuño
HORA: 19.00 h
LUGAR: sala Arcos Moldes do Centro Sociocultural-Auditorio de Rianxo
ENTRADA: de balde ata completar capacidade

PEL CONCELLOS

2026-06-02T16:25:40Z

O Concello de Rianxo, en colaboración coa Deputación da Coruña, vai presentar oferta de emprego no Servizo Público de Emprego de Galicia, na súa oficina de Boiro, para a contratación de 1 condutor-a para o Programa de integración laboral - PEL CONCELLOS.

As persoas traballadoras que se contraten para a realización das obras e servizos incluídos neste programa deberán ser persoas desempregadas inscritas no Servizo Público de Emprego de Galicia como demandantes non ocupadas e estar dispoñibles para o emprego; os demais requisitos están recollidos nas bases da convocatoria.

Anuncio

Bases de selección

Publicación da listaxe inicial de persoas aspirantes

Listaxe inicial de persoas aspirantes

Publicación das actas 02/06/2026

Acta núm. 1

Acta núm. 2

Acta núm. 3

ÓPERA, retransmisión en directo de Romeo e Julieta

2026-06-02T10:12:27Z

ÓPERA, retransmisión en directo de Romeo e Julieta.

DÍA: sábado 13 de xuño
HORA: 19.30 h
LUGAR: sala Arcos Moldes do Centro Sociocultural-Auditorio de Rianxo
DURACIÓN: 3h e 10 minutos (inclúe descanso)
PÚBLICO: todos os públicos

Presentación-Taller, AdolescenTEA

2026-06-02T10:07:19Z

Presentación-Taller, AdolescenTEA. Presentación do libro O mapa da túa sexualidade, da autora Laura Veiga e TALLER GRATUÍTO para rapazada de 10 a 13 anos.

DÍA: venres 12 de xuño
HORA: 17.30 h
LUGAR: salón de actos do Centro Sociocultural-Auditorio de Rianxo

17:30 h – Presentación do libro O mapa da túa sexualidade, da autora Laura Veiga.

18:00 h – TALLER GRATUÍTO para rapazada de 10 a 13 anos

Un espazo seguro, participativo e adaptado á súa idade para falar sobre o corpo, as emocións, a diversidade e a sexualidade con naturalidade, respecto e información rigorosa tamén dende a neurodiversidade.

Impartido por Laura Veiga, xornalista, sexóloga, divulgadora e muller autista.

FESTAS DE SAN ANTÓN DO PAZO

2026-06-02T08:33:04Z

FESTAS DE SAN ANTÓN DO PAZO

Concerto DeBiselas, FESTA DA MÚSICA 2026

2026-06-02T08:21:21Z

Concerto Merenda Desconcertante, a cargo do grupo DeBiselas no marco da FESTA DA MÚSICA 2026 organizada pola Deputación da Coruña.

DÍA: domingo 07 de xuño
HORA: 19.00 h
LUGAR: Centro Sociocultural da Atalaia (Escolas Vellas). Asados

Veladas de primavera 2026

2026-06-02T08:19:42Z

Veladas de primavera 2026 nas Escolas Vellas da Atalaia de Asados, organizadas polo Grupo de Teatro Airiños coa colaboración do Concello de Rianxo, da Deputación da Coruña e da Asociación A Leoira.

DOMINGO 19 DE ABRIL - 18.30 h. Mesa de creadoras

Coloquio con Xoana Almar (Cestola), Baia Fernández, Sabela Galbán Rodríguez Rianxeira e Patricia de Lorenzo (Grupo Chévere)

SÁBADO 2 DE MAIO - 20.30 h. Tribial cabareteiro

O concurso máis divertido da man de Teatro Airiños. Inscribe o teu equipo enviando un correo a contacto@teatroairinhos.gal

VENRES 5 DE XUÑO - 20.00 h. Mostra de teatro da Escola de teatro Airiños

Cos grupos Teatrinkis e Pataka Makabra

DOMINGO 7 DE XUÑO - 19.00 h. Concerto

Merendola desconcertante. Cuarteto deBiselas. Espectáculo promovido pola Deputación da Coruña no marco do programa da Festa da Música.

Listaxes admisión no Concilia Verán 2026

2026-05-29T09:06:34Z

Publicadas as listaxes de persoas admitidas por instalación, resultando admitidas todas as solicitudes presentadas en prazo na primeira opción solicitada.

As persoas participantes seleccionadas deberán realizar o pagamento entre o luns 8 e o martes 16 de xuño, ambos incluídos.
- Para efectuar o pagamento, o Concello facilitará un recibo que poderá recollerse presencialmente no Centro Sociocultural Auditorio de Rianxo ou solicitar o seu envío por correo electrónico ou mensaxería instantánea (os recibos non estarán dispoñibles ata o 8 de xuño).

Lémbrase que, no caso de obter praza e finalmente non facer uso dela, deberá comunicarse a renuncia por escrito antes do martes 16 de xuño, ben mediante rexistro no Concello ou a través do correo electrónico campamento@concelloderianxo.gal.
- No caso de non comunicar a renuncia á praza, deberá realizarse igualmente o aboamento do recibo.

Ademais, agradeceríase comunicar a renuncia coa maior brevidade posible para facilitar que as persoas en listaxe de reserva poidan facer uso das prazas dispoñibles.

As solicitudes presentadas a partir do 26 de maio comunicaránselles as prazas asignadas mediante chamada telefónica ao longo da vindeira semana.
O prazo de inscrición continúa aberto. As prazas dispoñibles asignaranse por orde de inscrición e comunicaránselles ás persoas solicitantes mediante chamada telefónica.

Listaxes admisión no Concilia Verán 2026

2026-05-29T09:04:06Z

Publicadas as listaxes de persoas admitidas por instalación, resultando admitidas todas as solicitudes presentadas en prazo na primeira opción solicitada.

As persoas participantes seleccionadas deberán realizar o pagamento entre o luns 8 e o martes 16 de xuño, ambos incluídos.
- Para efectuar o pagamento, o Concello facilitará un recibo que poderá recollerse presencialmente no Centro Sociocultural Auditorio de Rianxo ou solicitar o seu envío por correo electrónico ou mensaxería instantánea (os recibos non estarán dispoñibles ata o 8 de xuño).
Lémbrase que, no caso de obter praza e finalmente non facer uso dela, deberá comunicarse a renuncia por escrito antes do martes 16 de xuño, ben mediante rexistro no Concello ou a través do correo electrónico campamento@concelloderianxo.gal.
- No caso de non comunicar a renuncia á praza, deberá realizarse igualmente o aboamento do recibo.

Ademais, agradeceríase comunicar a renuncia coa maior brevidade posible para facilitar que as persoas en listaxe de reserva poidan facer uso das prazas dispoñibles.

As solicitudes presentadas a partir do 26 de maio comunicaránselles as prazas asignadas mediante chamada telefónica ao longo da vindeira semana.
O prazo de inscrición continúa aberto. As prazas dispoñibles asignaranse por orde de inscrición e comunicaránselles ás persoas solicitantes mediante chamada telefónica.

Programa “Galicia Suma Talento: Rural Activo”

2026-05-28T09:45:02Z

O Concello de Rianxo, en colaboración coa Consellería de Emprego, Comercio e Emigración, vai presentar oferta de emprego no Servizo Público de Emprego de Galicia, na súa oficina de Boiro, para a contratación de 4 peóns/peoas forestais para o Servizo de Limpeza de Montes e outras tarefas de valorización forestal dento do programa “Galicia Suma Talento: Rural Activo”.

As persoas traballadoras que se contraten para a realización das obras e servizos e polas que se outorgue a subvención deberán ser persoas desempregadas inscritas no Servizo Público de Emprego de Galicia como demandantes non ocupadas e estar dispoñibles para o emprego. Estes requisitos deberán cumprirse tanto no momento da selección como no da formalización do contrato de traballo vinculado a programas de políticas activas de emprego.

Anuncio

Bases de selección

Publicación da listaxe inicial de persoas aspirantes (11/05/2026)

Listaxe inicial de persoas aspirantes recibida do SPEG

Publicación das datas de realización das probas 12-05-2026

Cronograma do proceso

Listaxe de persoas aspirantes que superaron a proba escrita e a proba de galego (20/05/2026)

Listaxe

PROBA PRÁCTICA

Data: xoves 21/05/2026
Hora: 10:00 horas
Lugar: entrada principal Auditorio de Rianxo

Actas do proceso (28/05/2026)

Acta núm. 1_constitución do tribunal e listaxe de persoas admitidas

Acta núm. 2_proba escrita

Acta núm. 3_proba práctica

Acta núm. 4_concurso

Acta núm. 5_valoración global do proceso

Publicación das solicitudes do Concilia Verán 2026

2026-05-27T07:07:22Z

Publícase a listaxe de solicitudes do Concilia Verán 2026.

Listaxe de solicitudes do Concilia Verán 2026

Revisa que a túa solicitude figure correctamente e comproba que a instalación, as datas e a opción de plan madruga sexan correctas.

Se detectas algún erro, comunícao ao correo campamento@concelloderianxo.gal

O venres 29 de maio publicaranse as listaxes de persoas admitidas.

Todas as solicitudes presentadas a partir do 26 de maio pasarán, por orde de inscrición segundo a data e a hora de presentación, á listaxe de reserva.

Publicación das solicitudes do Concilia Verán 2026

2026-05-27T07:07:36Z

Publícase a listaxe de solicitudes do Concilia Verán 2026.

Listaxe de solicitudes do Concilia Verán 2026

Revisa que a túa solicitude figure correctamente e comproba que a instalación, as datas e a opción de plan madruga sexan correctas.

Se detectas algún erro, comunícao ao correo campamento@concelloderianxo.gal

O venres 29 de maio publicaranse as listaxes de persoas admitidas.

Todas as solicitudes presentadas a partir do 26 de maio pasarán, por orde de inscrición segundo a data e a hora de presentación, á listaxe de reserva.

Romaría das Fousas

2026-05-25T08:03:41Z

Romaría das Fousas

DÍA: sábado 30 de maio
HORA: a partir das 12.00 h
LUGAR: Filgheiras Taragoña

Libros, presentación Ventre de Madeira de José Carou

2026-05-25T07:44:55Z

Libros, presentación Ventre de Madeira de José Carou. XXXI Premio de novela Lueiro Rey

Ademáis do propio autor, intervirán:
Isabel Santos (vicepresidenta da A.C. Barbantia®), Margarita Fernández (tradutora e profesora), Sara Vila (Edicións Xerais) e Julián Bustelo (alcalde de Rianxo)

DÍA: venres 29 de maio
HORA: 20.30 h
LUGAR: salón de actos do Centro Sociocultural-Auditorio de Rianxo

POS+ADICIONAL Gastos Sociais Extraordinarios. Ano 2026

2026-05-21T12:59:54Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 82.456,46€.

A cantidade do POS+Adicional 1/2026 aprobada para os gastos sociais extraordinarios do exercicio 2026 é a seguinte:

EXPEDIENTE	TIPOLOXIA DO GASTO	IMPORTE
2026000001247	GASTO CORRENTE: Tipoloxías: a, b, c, d, e, f, g, h	66.181,34 €
2026000001248	INVESTIMENTO: Tipoloxía i: Equipamento técnico asistencial	1.887,12 €
2026000001331	INVESTIMENTO: Tipoloxía j: Equipamento servizos sociais	14.388,00 €
	TOTAL ACHEGA APROBADA	82.456,46 €

Curso de Monitor de tempo libre - intensivo verán

2026-05-20T12:40:57Z

Curso de monitor/a de tempo libre (normativa establecida no Decreto 50/2000, do 20 de xaneiro, polo que se refunde e actualiza a normativa vixente en materia de xuventude, e polo Decreto 58/2012, do 12 de xaneiro, polo que se modifica o Decreto 50/2000 e se adapta á Directiva 2006/123/CE, para a obtención do Título Oficial de Monitor de Tempo Libre en Galicia.)

Duración

Fase teórica-práctica: 200 horas
Fase práctica: 150 horas
Datas formación

Datas

• Xuño: 29, 30
• Xullo: 1, 2, 3, 6, 7, 8, 9, 10, 13, 14, 15, 16, 17, 20, 21, 22, 23, 24

Requisitos obrigatorios

Ter 18 ou máis anos o día que da comezo o curso
Estar en posesión dos estudios mínimos obrigatorios (ESO ou similar).

Prezo

240 euros.

Prazo de inscrición

ata o 12 de xuño.

Bases e ficha de inscrición

Consulta pública cidadá sobre a PROPOSTA DE ORDENANZA DE CONVIVENCIA CIDADÁ DO CONCELLO DE RIANXO

2026-05-18T13:03:12Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador ,coa fin de polo á disposición da cidadanía para consulta pública, co obxectivo de mellorar a participación dos cidadáns no procedemento de elaboración de normas, con carácter previo á elaboración sobre PROPOSTA DE ORDENANZA DE CONVIVENCIA CIDADÁ DO CONCELLO DE RIANXO solicítase a opinión dos suxeitos e das organizacións máis representativas potencialmente afectados pola futura norma.

PROPOSTA DE ORDENANZA DE CONVIVENCIA CIDADÁ DO CONCELLO DE RIANXO (pdf)

Gala do Audiovisual do IES Félix Muriel de Rianxo

2026-05-18T11:36:42Z

Gala do Audiovisual do IES Félix Muriel de Rianxo.

DÍA: sábado 30 de maio
HORA: 20.00 h
LUGAR: sala Arcos Moldes do Centro Sociocultural-Auditorio de Rianxo

PROXECCIÓN: Píllara, a última píllara das dunas

2026-05-18T11:31:51Z

PROXECCIÓN: Píllara, a última píllara das dunas. Unha curtametraxe do rianxeiro Amancio Losada e con música de Aida Beiroa.

DÍA: venres 29 de maio
HORA: 19.30 h
LUGAR: sala Arcos Moldes do Centro Sociocultural-Auditorio de Rianxo

TÍTULO: Píllara, a última píllara das dunas.
DURACIÓN: 25 minutos.
DIRECCIÓN: Amancio Losada Vicente
MÚSICA: Aida Saco Beiroa
SINOPSE :
Píllara era a última das píllaras das dunas. Despois de moitos infortunios e adversidades levaba con ela os ovos que poderían permitir que a sua especie non desaparecera para sempre do planeta. Pero para iso, Píllara tiña que atopar un lugar seguro onde aniñar, poñer os seus ovos e criar os seus polos. Non era cousa fácil. Percorreu todo o planeta preguntando a todo o que atopaba, pola terra ou polo mar, se sabían de algún sitio onde os seu poliños criar. Buscou por canto sitio había, sen descanso, sen parar. Con sol, con chuvia, con vento…

LIBROS, presentación Rotspanier de Juán Galán

2026-05-18T11:02:54Z

LIBROS, presentación Rotspanier de Juán Galán. Historia dun exiliado republicano en Francia que fuxiu de Franco para caer nas mans de Hitler.

Ademais do autor intervirán no acto Néstor Sieira, membro da Comisión pola Recuperación Histórica da Barbanza e Julián Bustelo, alcalde de Rianxo.

DÍA: xoves 28 de maio
HORA: 19.30 h
LUGAR: salón de actos do Centro Sociocultural-Auditorio de Rianxo

Concerto SÉS no Araño

2026-05-13T10:40:48Z

Concerto SÉS no Araño.

DÍA: sábado 23 de maio
LUGAR: Carballeira de Baia. Araño

Proposta ao abeiro da Rede Cultural da Deputación da Coruña

EXPOSICIÓN: Laíño. Reinicio. Obra plástica

2026-05-12T11:35:10Z

EXPOSICIÓN: Laíño. Reinicio. Obra plástica.

DATAS: do 15 de maio ao 15 de xuño.
HORARIO: De luns de 10.00 a 14.00 h. De martes a sábado de 11.00 a 13.00 e de 17.00 a 20.00 h.
LUGAR: sala de exposicións do Centro Sociocultural-Auditorio.
APERTURA DA EXPOSICIÓN: venres 15 de maio ás 20.30 horas.

Laíño, nado na Barraca, Asados (Rianxo), alá polo 1968, sempre gustou de debuxar. De moi neno ganou os seus primeiros premios escolares e un que convocaban para a rapazada nas Festas da Guadalupe. Estudou Música e, durante catro décadas, foi saxofonista nas bandas castrenses de infantaría de mariña no Ferrol e Marín. Abandonou case por completo as artes plásticas. Sempre o resumiu con retranca: “a corchea é a que me paga as facturas e o pincel é o que me proporciona satisfacción persoal”. Pasados os anos, retomou a súa verdadeira vocación e comezou a experimentar co óleo de xeito totalmente autodidacta.
Participou en diversas exposicións, tanto individuais como colectivas, por todo o territorio galego, Sevilla, Madrid, Lleida, Cádiz, Xerez, Porto, Lisboa, París… Ten obra repartida por diferentes países, desde Rusia a EE.UU. Acadou premios e foi seleccionado en concursos de pintura en Galicia e en diferentes cidades de España. E tamén ilustrou textos de autores rianxeiros. Cursou dous anos de Belas Artes na Facultade de Pontevedra (carreira que ten pendente rematar) e actualmente estuda Historia da Arte na UNED. Na travesía de Boston a Marín, enrolado como membro da banda militar do Juan Sebastián Elcano, inciou -sen decidilo nin desexalo- unha nova pausa na súa tarefa plástica. Transcorreron dez anos… Agora, volve aos pinceis.

Concilia Verán 2026

2026-05-10T15:34:22Z

Publicadas as bases e o calendario de inscrición do Concilia Verán 2026, que inclúe o campamento e o Plan Madruga de Verán, e que se desenvolverá do 22 de xullo ao 4 de setembro.

Como novidade este ano, o horario do campamento será de 10:00 a 14:00 horas, ademais de ampliarse á primeira semana de setembro.

O período de inscrición permanecerá aberto desde o luns 11 de maio ata o luns 25 de maio, ambos incluídos.

Recoméndase ler atentamente as bases de inscrición.

Bases e calendario de inscricións

BASES E CALENDARIO DE INSCRICIÓN

2026-05-13T08:56:10Z

Descrición

Campamento

Servizo de apoio á conciliación da vida familiar e laboral das familias do concello, cun programa de actividades socioeducativas, deportivas e de tempo libre.

Plan Madruga

Espazo de recepción e coidado dos nenos e nenas nas horas previas á actividade Campamento.

Calendario de actividades

Poderase realizar a inscrición ou ben para o campamento completo ou elixir un dos meses:

Completo: do 22 de xuño ao 04 de setembro.
Mes Xullo: xuño e xullo.
Mes Agosto: agosto e setembro

Horario

Campamento: de luns a venres, de 10.00 a 14.00 h (agás festivos)
Plan Madruga: de luns a venres, dende as 08.00 a 10.00 h (agás festivos).

Persoas Destinatarias

Nenos e nenas nados entre o 2014 e o 2022, ambos incluídos.

Lugar

IES Félix Muriel Rianxo– CEP Brea Segade Taragoña – CEIP Ana Mª Diéguez Asados

Prazas

Campamento: 195 prazas para campamento completo e 60 prazas por bloques (xullo / agosto)

IES Félix Muriel: 105 prazas para campamento completo.
CEP Brea Segade: 60 prazas para campamento completo.
CEIP Ana Mª Diéguez: 30 prazas para campamento completo.

Plan Madruga: 60 prazas

Para a realización das actividades, Campamento e Plan Madruga, deber haber un grupo mínimo de 10 participantes. O número de prazas por instalación pode variar e/ou adxudicarse a outra instalación no caso de que non se acade ese número mínimo.

Para participar no Plan Madruga é obrigatorio participar tamén no Campamento de Verán.

Cota de Inscrición

Campamento:

Completo: 150 euros
Un mes (xullo ou agosto): 75 euros

Plan Madruga:

Completo: 40 euros
Bloque xullo ou agosto: 20 euros por bloque

DESCONTOS (só no servizo de campamento)

2 irmáns inscritos no servizo
- Completo: 140 euros
- Un mes (xullo ou agosto): 70 euros
3 ou máis irmáns inscritos no servizo, familias monoparentais e familias numerosas.
- Completo: 130 euros
- Un mes (xullo ou agosto): 65 euros

Criterios de prioridade

Nenos/as empadroados/as ou cos proxenitores/titores legais empadroados no Concello de Rianxo, con necesidades xustificadas de conciliación por parte de ambos proxenitores ou do proxenitor/a que teña a custodia, e que se inscriban no campamento completo.
Nenos/as empadroados/as ou cos proxenitores/titores legais empadroados no Concello de Rianxo, con necesidades xustificadas de conciliación por parte de ambos proxenitores ou do proxenitor/a que teña a custodia, que se inscriban en un dos bloques.
Nenos/as empadroados/as ou cos proxenitores/titores legais empadroados no Concello de Rianxo e que se inscriban no campamento completo.
Nenos/as empadroados/as ou cos proxenitores/titores legais empadroados no Concello de Rianxo, que se inscriban nun dos bloques.
Non empadroados/as en Rianxo, con proxenitores/titores legais que traballen neste termo municipal e presenten necesidade de conciliación, e que se inscriban no campamento completo.
Non empadroados/as en Rianxo, con proxenitores/titores legais que traballen neste termo municipal e presenten necesidade de conciliación, que se inscriban nun dos bloques.
Resto de solicitantes.

Entendese por necesidades xustificadas de conciliación que os proxenitores/titores estean en condición acreditada de ocupación laboral, dependencia, atención a persoas dependentes ou participantes no sistema de educación ou formación regrada oficial.

No momento da inscrición marcarase a preferencia de localización e, para os efectos do sorteo, farase valer esa preferencia.

Documentación para a inscrición

Ficha de inscrición
Volante de empadroamento (ou autorización para a súa comprobación)
Xustificación das necesidades de conciliación:
- por traballo dos proxenitores: certificado de empregado público, informe de vida laboral actual, alta na Seguridade Social ou certificado laboral de empresa.
- participantes no sistema de educación ou formación regrada oficial: copia de matrícula, certificado de estudos en vigor ou xustificante de participación emitido polo organismo.
- por atención de persoas dependentes ou dependencia proxenitores: certificado de dependencia.
- no caso de divorcio ou separación, copia da custodia.
Certificado de familia monoparental
Título de familia numerosa

Calendario inscrición

Presentación de solicitudes: do luns 11 ao luns 25 de maio (ambos incluídos)
Publicación listaxes solicitantes: mércores 27 de maio
Presentación de reclamacións: mércores 27 e xoves 28 de maio

Listaxes definitivas: venres 29 de maio

Sorteo, no caso de ser necesario: venres 29 de maio, ás 13.00 h.
Matrícula e abono da cota: do luns 08 ao martes 16 de xuño
Publicación das listaxes de participantes e grupos: xoves 18 de xuño
Reunión de presentación: venres 19 de xuño
Inicio campamento: luns 22 de xuño

Presentación de solicitudes

As solicitudes deberán presentarse do luns 11 ao luns 25 de maio (ambos incluídos), no rexistro do Concello de Rianxo, segundo o modelo Solicitude de inscrición no Campamento de Verán, e, preferentemente, de forma telemática.

Todas as solicitudes presentadas a partir do 26 de maio non participarán no sorteo, no caso de habelo, e irán, en orde de inscrición por data e hora, ao final da listaxe de reserva xerada por este.

A presentación da solicitude implica a aceptación das normas deste procedemento.

Publicación listaxes de solicitantes e presentación de reclamacións/emenda de documentación

O mércores 27 de maio publicaranse na web do Concello a listaxe das persoas que solicitan praza no Campamento de Verán Rianxo 2026. Para estes efectos, publicarase o número de rexistro e as iniciais da crianza.

A emenda de documentación requirida ou as reclamacións a esta listaxe poderán presentaranse os días 27 e 28 de maio no Rexistro do Concello de Rianxo, preferentemente de forma telemática.

Adxudicación de prazas

A praza é persoal e intransferible.

A adxudicación pode ser:

Por adxudicación directa, se ao remate do prazo de inscrición (25 maio) a demanda non supera o número de prazas dispoñibles:

Primeiro adxudícanse as prazas aos solicitantes en prazo.
No caso de non cubrirse, as prazas restantes, ata completar as 210 dispoñibles, cubriranse coas solicitudes feitas a partir do 25 de maio, por orde de inscrición en data e hora.
Unha vez cubertas as prazas totais pasarán a formar parte dunha listaxe de reserva.

Por sorteo, empregando medios informáticos, no suposto de que o número de solicitudes supere o número de prazas dispoñibles. O sorteo realizarase seguindo os criterios de prioridade e a preferencia de instalación. O sorteo xerará tamén a listaxe de reserva.

As solicitudes dos irmáns poderán vincularse para participar no sorteo de xeito conxunto, cun único número. De non facelo, cada irmán participaría participará de forma independente co seu propio número.

O día 29 de maio publicaranse na web do Concello de Rianxo as listaxes das persoas admitidas e as de agarda.

Pagamento

As persoas participantes seleccionadas deberán realizar o pagamento entre os días luns 08 ao martes 16 de xuño, ambos incluídos.

Para realizar o pagamento, o Concello facilitaralles un recibo, o cal poderán recollelo presencialmente no Centro Sociocultural Auditorio de Rianxo, ou solicitar o seu envío por correo electrónico ou mensaxería instantánea.

En caso de non realizar o pagamento no prazo establecido e de seguir interesado na praza, sempre que haxa dispoñibilidade de prazas, deberá solicitarse un novo recibo coa actualización do recargo correspondente.

Documentación (só no caso de ser necesaria)

A seguinte documentación deberá presentarse unicamente cando sexa necesaria, mediante presentación no rexistro do Concello:

Informe médico.
Cuestionario médico – autorización
Autorización de saída do/a menor pola súa conta: Só poderán saír pola súa conta, no horario establecido, os/as menores de 10 anos ou máis.

Renuncia a praza obtida

No caso de que se obteña praza e finalmente non se vaia facer uso dela, deberá comunicalo por escrito, ben mediante rexistro do concello ou correo electrónico a campamento@concelloderianxo.gal, ata o martes 16 de xuño.

No caso de que non comunique a renuncia a praza, deberá realizar o aboamento do recibo.

Adxudicación de prazas ás listaxes de reserva

As vacantes que se produzan por non presentar a documentación, por presentala fóra do prazo establecido ou por renunciar á praza obtida no sorteo, seranlles ofertadas, seguindo a orde da listaxe de reserva, ás persoas suplentes, do mesmo grupo de idade que a praza vacante. Esta adxudicación comunicarase mediante unha chamada telefónica. Para os efectos de determinar o grupo, utilizaranse os publicados o día 18 de xuño.

Chamarase á persoa interesada un mínimo de tres veces durante o prazo que vai desde o día que se produce a vacante ata as 14:00 h do día seguinte. De non contactar coa persoa interesada, esta pasará ao final da listaxe e chamarase á seguinte.

Unha vez recibida a comunicación e aceptada a praza, deberán presentar a documentación no prazo de 48 horas. No caso de non presentar a documentación nese prazo, a praza ofreceráselle á seguinte persoa da listaxe de espera.

A xestión da listaxe de reserva farase exclusivamente desde a Oficina de Xuventude.

Formación de grupos

Os grupos formaranse segundo data de nacemento.

Só excepcionalmente, e de forma xustificada e documentada, valorarase a posibilidade de facer o cambio de grupo.

Devolución da cota

Unha vez obtida a praza e aboado o importe correspondente, no caso de que a persoa interesada non poida asistir á actividade por causa xustificada, deberá solicitar a devolución mediante rexistro antes de que finalice o prazo de inscrición (18 de xuño).

As solicitudes de devolución presentadas fóra do prazo establecido serán denegadas, con independencia da causa alegada.

Comunicación coas familias

Todas as comunicacións do proceso de inscrición realizaranse a través da páxina web: https://concelloderianxo.gal/campamento2026.

Non se realizaran avisos individuais, nin por correo electrónico nin por teléfono.

Unha vez comece o campamento, as comunicacións precisas realizaranse:

na páxina web https://concelloderianxo.gal/campamento2026
nos grupos de difusión de WhatsApp e grupos de difusión de telegram. A comezos do campamento publicaranse na páxina web os enlaces para unirse aos grupos.

Asemade, habilitarase un teléfono ao que as familias poden dirixirse para deixar avisos, que se fará público no comezo do campamento.

Queixas e suxestións

As persoas participantes poderán presentar por escrito todas as suxestións ou reclamacións que consideren oportunas durante o desenvolvemento do Campamento de Verán Rianxo 2026 ou no momento do seu remate.

Igualmente, poderán deixar constancia do grao de satisfacción obtido coa actividade desenvolvida e todos os comentarios ou suxestións que queiran facer ao respecto, para o que deberán cubrir o formulario de enquisa que se lles facilitará ao rematar ao campamento.

Imaxes

A participación nesta actividade poderá comportar a captación de imaxes, fotografías, vídeos, vídeos con voz, material gráfico, etc. (en diante, “imaxes”) da persoa participante na actividade, e a súa publicación a través dos medios de difusión corporativos das iniciativas e actividades do Concello de Rianxo, tales como páxinas web, redes sociais, álbums, informes/documentos derivados da actividade e noutros medios de comunicación social. Debe autorizar ou rexeitar a devandita captación e publicación de imaxes, que se entenderá feita a título gratuíto e sen límite temporal, no formulario de inscrición.

Protección de datos

Os datos persoais pasarán a formar parte dun ficheiro electrónico propiedade do Concello de Rianxo coa única finalidade de proceder á inscrición na actividade para a que se proporcionan os datos.

Serán cedidos á empresa adxudicataria os datos identificativos e de contacto dos participantes, así como aqueles datos de saúde ou observacións necesarios para o bo desenvolvemento da actividade.

Os datos persoais das persoas participantes poderán ser comunicados á Xunta de Galicia, no caso de que así o requiran, cando este servizo estea subvencionado no marco do programa Plan Corresponsables.

Pode exercer os dereitos de acceso, rectificación, portabilidade e supresión dos seus datos e os de limitación e oposición ao seu tratamento dirixíndose ao Concello de Rianxo, Praza Castelao, 1, 15920 Rianxo, correo electrónico dpd@concelloderianxo.gal, ou mediante o procedemento habilitado para o efecto da Sede Electrónica: sede.concelloderianxo.gal. Se considera que o tratamento non se axusta á normativa vixente, poderá presentar unha reclamación perante a autoridade de control en www.aepd.es. Datos de contacto do delegado de protección de datos: Ramón Santos Pérez, dpd@concelloderianxo.gal

FESTIVAL HÓRREO VIVO

2026-05-08T10:16:45Z

FESTIVAL HÓRREO VIVO, organizado pola Asociación Cultural A Carballeira de Baia coa colaboración do Concello de Rianxo.

DÍA: venres 22 e sábado 23 de maio
LUGAR: Carballeira de Baia (Araño)